უკან
მსოფლიო
21 ნოემბერი, 2017 16:20
ნიგერიის მეჩეთშ მომხდარი ტერაქტის შედეგად სულ მცირე 50 ადამიანი დაიღუპა
ნიგერიის ქალაქ მუბის მეჩეთში აფეთქების შედეგად, სულ მცირე 50 ადამიანი დაიღუპა.
BBC-ის ინფორმაციით, აფეთქება დილის წირვის დროს თვითმკვლელმა-ტერორისტმა მოახდინა.
დაშავებულთა შესახებ ზუსტი რიცხვი ჯერჯერობით არ არსებობს.
ადგილობრივი პოლიციის წარმომადგენლის ოტმან აბუბაკრის ინფორმაციით, ტერორისტი დაახლოებით 17 წლის იქნებოდა და ის ტერორისტული დაჯგუფება „ბოკო ხარამის“ წევრია.
მომხდარზე პასუხისმგებლობა ჯერჯერობით არავის აუღია.
„ბოკო ხარამი“ ნიგერიაში 2009 წლიდან მოქმედებს. ამ დროიდან ტეროტისტების თავდასხმას 20 ათასი ადამიანი ემსხვერპლა, 2 -მა მილიონმა ნიგერიელმა საკუთარი სახლები დატოვა.
მონიკა დავლიანიძე