უკან

უახლესი ამბები

დღის კალენდარი

ანონსები

არქივი

სამართალი

3 თებერვალი, 2017 13:50
font-size

ნიკა გვარამია პროკურატურას მიმართავს, რომ გაასაჯაროვოს მოსამართლეების მიერ ზეწოლასთან დაკავშირებით გაკეთებული განცხადება

ტელეკომპანია რუსთავი2-ის გენერალური დირექტორის ნიკა გვარამიას განცხადებით, საქართველოს ისტორიაში პირველად მოხდა, რომ საერთო სასამართლოების მოსამართლეები, უმაღლესი ინსტანციის მოსამართლეები „სისტემას შიგნიდან ამხელენ, ამხელენ ხელისუფლებას შიგნიდან და აცხადებენ მათზე მიმდინარე უხეშ ზეწოლაზე“.

ამის შესახებ გვარამიამ რუსთავი2-ის საქმის განმხილველი მოსამართლეების მიერ გაკეთებეული განცხადების კომენტირებისას განაცხადა, რომლის თანახმად. მათზე ზეწოლა ხორციელდება.

„ასეთი ტიპის განცხადებები ჩვენ ნანახი გვაქვს, ერთი იყო ია ბარამიძე, როდესაც მაშინდელმა უზენაესი სასამართლოს მოსამართლემ, გამომდინარე საზოგადოებრივი მაღალი ინტერესიდან გააკეთა საჯარო განცხადება. და ეს იყო სწორი, ეს იყო სამოქალაქო გმირობა მისი მხრიდან.

ჩვენ გვაქვს შემთხვევა, როდესაც საკონსტიტუციო სასამართლოს თავმჯდომარემ და წევრებმა გააკეთეს ასეთივე განცხადება, რაც სწორი იყო, და ჩვენ გვაქვს პირველი შემთხვევა, როდესაც ამას აკეთებს საქმის განმხილველი მოსამართლე.

როდესაც მოსამართლესთან უკანონო კომუნიკაცია მიმდინარეობს ეს ჯდება არასისხლის სამართლის, არამედ სხვა კანონში, ე.წ აკრძალული კომუნიკაციის კანონში და ხდება მიმართვა იუსტიციის საბჭოსთვის და დაჯარიმება უკანონო კომუნიკატორის. მაგრამ როგორც ჩანს, ეს არ არის შემთხვევა უბრალოდ უკანონო კომუნიკაციის. ეს არის შემთხვევა, როდესაც მოსამართლეებმა ჩათვალეს, რომ მათზე მიმდინარეობს იმგვარი ზეწოლა, რომელიც უნდა დაკვალიფიცირდეს სისხლის სამართლის ნორმებით, კერძოდ, მოსამართლის საქმიანობაში უხეში ჩარევის ნორმით, რაც შეიძლება მოიცავდეს არა უბრალოდ მათთან კომუნიკაციას, არამედ სხვადასხვა ტიპის უხეშ ზეწოლას.

გვაქვს შეკითხვა უზენაესი სასამართლოს თავმჯდომარესთან. რატომ არ მოიქცა ის ისე, როგორც მოიქცა მისი წინამორბედი, რატომ არ მოხდა ამ ძალიან მნიშვნელოვანი ინფორმაციის გასაჯაროება. თუმცა ცხადია, რომ უზენაესი სასამართლოს თავმჯდომარე მოსამართლეების მოკავშირე არ არის, იგი არის სახელმწიფოს მოკავშირე მოსამართლეების წინააღმდეგ. მან პროკურატურაში გადააგზავნა ეს საქმე და მეორე დღიდან ამ მოსამართლეებზე დაიწყო უმძიმესი ზეწოლა საიმისოდ, რომ მათ გაეტანათ ან შეეცვალათ განცხადებაში მოყვანილი მოტივაცია, უფრო სწორედ სუბიექტები, დაესახელებინათ არა ხელისუფლება, არამედ ჩვენი მხარე; ან ის ადამიანები რომლებიც, ვითომდა აფილირდებიან ჩვენს მხარესთან, მაგალითად, საქართველოს მესამე პრეზიდენტი მიხეილ სააკაშვილი და მისი პოლიტიკური თანამოაზრეები. ვფიქრობ, რომ ადამიანები რომლებიც ამ ქმედებაში იღებდნენ მონაწილეობას, დაკარგეს როგორც მორალური, ასევე პროფესიული უფლება დაიკავონ უმაღლესი თანამდებობები სახელმწიფოს სიტემაში, მათ შორის სამართალდაცვით სისტემაში.

ეს რომ ასე იყო, დასტურდება იმითაც, რომ მას შემდეგ, რაც მიზანი მიღწეული ვერ იქნა, სახელმწიფო უშიშროების სამსახურმა, ბინძური მეთოდებით მათი კონტროლირებადი მედიის მეშვეობით, სადაც შედის ბედუკაძის ტელევიზია და ტელეკომპანია „იმედი“, სამწუხაროდ, დაიწყეს ზემოქმედება მოსამართლეებზე უკვე შავი პიარის აგორებით.

ჩვენთვის არ აქვს მნიშვნელობა, რას მოქმედებენ ეს რუსული შინაარსის, სახელისუფლებო მედიასაშუალებები, ჩვენთვის მნიშვნელოვანია, თუ როგორ იქცევა სახელმწიფო. სახელმწიფო ამ შემთხვევაში იქცევა დანაშაულებრივად, პრაქტიკულად, ყველა მისი შტო ჩართულია ამ დანაშაულებრივ საქმიანობაში, რომელსაც ჰყავს ერთი ხელმძღვანელი -ბიძინა ივანიშვილი.

ერთადერთი სახელისუფლებო შტო, რომელიც ამაში ჩართული არ არის, პრეზიდენტის შტოა. ჩვენ ვთხოვთ მას, რომ ღრმად შეისწავლოს ეს საქმე. ჩვენ მოვითხოვთ საქართველოს პროკურატურისგან, რომ გამოქვეყნდეს ამ განცხადების შინაარსი და შეწყდეს ზეწოლა მოსამართლეებზე არა მხოლოდ ჩვენი საქმის გადაწყვეტილების ნაწილში, არამედ იმ ნაწილში, რომ მათ შეცვალონ ამ განცხადების შინაარსი.

ასევე ვთხოვ გაითვალისწინოს ყველამ, რომ ჩემთან სეპარატული მოლაპარაკებების წარმოება არის აბსოლუტურად განწირული. მე არ შევდივარ მოლაპარაკებებში იმ ვითარებაში, როდესაც ვარ აბსოლუტურად მართალი და მეორე მხარე ცდილობს ჩემს დაჩაგვრას, ჩემს და ჩემს უკან მდგომი ათასი თანმშრომლის დაჩაგვრას.

მივმართავ უზენაეს სასამართლოს, რომ ყველანაირი ნორმა და კანონი დარღვეულია, ჩვენი საქმის განხილვის ყველანაირი ვადა გასულია და გასაგებია ეს რატომაც ხდება. მიიღეთ კანონიერი გადაწყვეტილება, ნუ დაემორჩილებით ადამიანებს, რომლებიც მიდიან და მოდიან მაგრამ თქვენ რჩებით, თქვენი პროფესიული სინდისი რჩება და ის შეფასებაუნარიანია იმის მიხედვით, თუ როგოორ იმოქმედებთ. თქვენს რიგებში უკვე არიან ადამიანები, ვინც გაბედა და თავისი გადაწყვეტილებებით და განცხადებებით დაუპირისპირდა სისტემას“,-განაცხადა გვარამიამ.

მონიკა დავლიანიძე

საკვანძო სიტყვები:

ფოთში მკვლელობის ფაქტთან დაკავშირებით სამი პირი დააკავეს

4 ივლისი, 2020 , 17:31

შინაგან საქმეთა სამინისტროს სამეგრელო-ზემო სვანეთის პოლიცის დეპარტამენტის თანამშრომლებმა განზრახ მკვლელობის, თავისუფლების უკანონო აღკვეთის ბრალდებით სამი პირი დააკავეს. სამინისტროს ინფორმაციით, დანაშაული შვიდიდან 15 წლამ

თბილისში უკანონო სახერხი საამქრო გამოავლინეს

4 ივლისი, 2020 , 10:50

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, ქალაქ თბილისში, ისანი-სამგორის რაიონში, დაურეგისტრირებელი სახერხი საამქრო გამოავლინეს. მოქალაქეს, ტერიტორიაზე

გერმანიამ წამებისთვის ძებნილი დავით ჭაკუას ქართული მართლმსაჯულებისთვის გადმოცემის გადაწყვეტილება მიიღო

3 ივლისი, 2020 , 14:45

გერმანიამ წამებისთვის ძებნილი სასჯელაღსრულების დეპარტამენტის ყოფილი უფროსის, დავით ჭაკუას ქართულ მართლმსაჯულებისთვის გადმოცემის გადაწყვეტილება მიიღო. სასჯელაღსრულების დეპარტამენტის ყოფილი უფროსის, ბაჩო ახალაიას ყოფილი მო

სვანეთში ცეცხლსასროლი იარაღის შეძენა-შენახვის ბრალდებით ერთი პირი დააკავეს

3 ივლისი, 2020 , 11:30

ცეცხლსასროლი იარაღის მართლსაწინააღმდეგო შეძენა-შენახვის ბრალდებით ერთი პირი დააკავეს. დანაშაული 3-დან 6 წლამდე ვადით თავისუფლების აღკვეთას ითვალისწინებს. "შინაგან საქმეთა სამინისტროს სამეგრელო ზემო-სვანეთის პოლიციის დეპა

ქრთამის აღების ფაქტზე სურსათის ეროვნული სააგენტოს თბილისის საქალაქო სამსახურის უფროსი ინსპექტორი დააკავეს

3 ივლისი, 2020 , 11:30

საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ - სამძებრო ღონისძიებებისა და საგამოძიებო მოქმედებების შედეგად, ქრთამის აღების ფაქტზე, სსიპ სურსათის ეროვნული სააგენტოს თბილისის

ფოთში 43 წლის მამაკაცი მოკლეს

3 ივლისი, 2020 , 00:22

ფოთში 43 წლის მამაკაცი მოკლეს. გავრცელებული ინფორმაციით, მას ჭრილობები მკერდის არეში ჰქონდა მიყენებული. „ჩვენს კლინიკაში „112“-ის ბრიგადამ შემოიყვანა მამაკაცი. მას აღენიშნებოდა სიცოცხლისთვის შეუთავსებელ

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე