სამართალი

ნიკა გვარამიას ცემის საქმეზე ბრალდებულ რატი გაჩეჩილაძეს 3 100-ლარიანი ჯარიმა შეეფარდა

ტელეკომპანია „რუსთავი 2-ის“ გენერალური დირექტორის ცემის საქმეზე ბრალდებულ რატი გაჩეჩილაძეს 3 100-ლარიანი ჯარიმა შეეფარდა.

რაც შეეხება დაცვის მხარეს, ადვოკატი ირმა ჭკადუა სასჯელის ადეკვატურ ოდენობად 2000 ლარს ასახელებდა.

,,ჩვენ მიგვაჩნდა, რომ აქ არ უნდა ყოფილიყო საერთოდ სისხლის სამართლებრივი დევნა და უნდა ყოფილიყო ადმინისტრაციულად დასჯადი ეს ქმედება. მიმაჩნია, რომ საკმაოდ მკაცრადაც დაისაჯა ეს ადამიანი’’, - განაცხადა გაჩეჩილაძის ადვოკატმა, ირმა ჭკადუამ.

ბრალდების მხარე კი, არ გამორიცხავს, რომ განაჩენი სასჯელის ნაწილში გაასაჩივროს.

შეგახსენებთ, რომ ინციდენტი თბილისის ერთ-ერთ რესტორანში 7 იანვარს მოხდა. რატი გაჩეჩილაძეს კი, ბრალი სასამართლომ 9 იანვარს სისხლის სამართლის კოდექსის 126-ე მუხლით წარუდგინა, რაც ძალადობას გულისხმობს.

ნინო ექვთიმიშვილი