უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
კომენტარი
ნინო ბურჯაძეს აქვს პოლიტიკანობისა და თაღლითობის 30 წლიანი სტაჟი - თაკო ჩარკვიანი
პოლიტიკოსები გვეუბნებიან, რომ პოლიტიკოსობის დიდი სტაჟი აქვთ, ტყუილია! მათ აქვთ პოლიტიკანობისა და თაღლითობის 30 წლიანი სტაჟი. ვგულისხმობ ბურჯანაძეს. ეს გუშინდელი დღეა! ახალგაზრდა თაობა უნდა მოვიდეს, რომელსაც კარგი განათლება აქვს, არ არის რადიკალური და არ მოუპარავს ხალხის ფული. ბურჯანაძე გუშინდელი დღეა", - ასე გამოეხმაურა პუბლიცისტი თაკო ჩარკვიანი ტელეკომპანია "იბერიას" ეთერში, "დემოკრატიული მოძრაობის" ლიდერის, ნინო ბურჯანაძის განცხადებას, სადაც, პოლიტიკოსმა ჩარკვიანის შეფასებასთან დაკავშირებით თქვა, რომ მანიაკალურ-შიზოფრენიულ განცხადებებს ვერ უპასუხებს.
მანამდე გადაცემა "თავისუფალ სივრცეში" თაკო ჩარკვიანმა განაცხადა, რომ 3 თვის წინ ნინო ბურჯანაძე ვლადიმირ პუტინს საქართველოში ჯარის შემოყვანას სთხოვდა.
"იბერიას" წამყვანმა სტუდიაში პირდაპირი ჩართვისას ბურჯანაძეს ჩარკვიანის მიერ გავრცელებული ინფორმაციის კომენტარირება სთხოვა. აღნიშნულის პასუხად ბურჯანაძემ თქვა, რომ სამედიცინო დიაგნოზს ვერ დასვამს.
"პუტინმა დაურეკა ქალბატონ ჩარკვიანს და მან უთხრა ამის თაობაზე?! ძალიან ვწუხვარ ამას რომ ვამბობ, მაგრამ მე სამედიცინო დიაგნოზებს ვერ დავსვამ. მანიაკალურ-შიზოფრენიულ განცხადებებს ნამდვილად ვერ ვუპასუხებ, ვისგანაც არ უნდა მოდიოდეს ეს! თქვენ სერიოზულად მთხოვთ პასუხს ამ განცხადებაზე?!" - განაცხადა ბურჯანაძემ.