უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
პოლიტიკა
ნინო გვენეტაძის ჯანმრთელობის მდგომარეობა არ არის პრეზიდენტის კომპეტენცია, მაგრამ სასამართლოს ჯანმრთელობის მდგომარეობა პრეზიდენტის კომპეტენციაა - გიორგი მარგველაშვილი
ნინო გვენეტაძის ჯანმრთელობის მდგომარეობა არ არის პრეზიდენტის კომპეტენცია, მაგრამ სასამართლოს ჯანმრთელობის მდგომარეობა პრეზიდენტის კომპეტენციაა და სასამართლოს ჯანმრთელობის მდგომარეობაზე შემიძლია მოგახსენოთ, რომ სერიოზული სირთულეებია სასამართლოსთან მიმართებით, – განაცხადა საქართველოს პრეზიდენტმა, გიორგი მარგველაშვილმა პრეზიდენტის უზენაესი სასამართლოს თავმჯდომარის, ნინო გვენეტაძის გადადგომასთან დაკავშირებით.
კითხვაზე, ხომ არ მოიაზრება უზენაესი სასამართლოს თავმჯდომარის თანამდებობაზე ანა დოლიძე, გიორგი მარგველაშვილმა აღნიშნა, რომ თავმჯდომარის კანდიდატურა არ იქნება მის მიერ შერჩეული.
„კანდიდატურას შეარჩევს ქართული საზოგადოება, უფრო სპეციფიურად – ქართული იურიდიული საზოგადოება. ღვთის მადლით, ქვეყანაში არის ბევრი კვალიფიციური იურისტი და მე მოვუწოდე განსაკუთრებით აკადემიური სფეროს წარმომადგენლებს, განსაკუთრებით იმიტომ ვთქვი, რომ სამწუხაროდ მნიშვნელოვან საზოგადოებრივ-პოლიტიკურ პროცესებში ისინი არ არიან ჩართულები ყოველთვის აქტიურად, რომ შეარჩიონ კანდიდატურა. მე ვარ ამ შემთხვევაში საზოგადოების მაკონსოლიდირებელი და პროცესის ორგანიზატორი. მე პრეზიდენტის პრეროგატივას, ერთპიროვნულად დაასახელოს სასამართლოს თავმჯდომარე, ამ შემთხვევაში ვიწვევ საზოგადოებას, რომ შეარჩიოს და ასე ვთქვათ, ამ პროცესში იყოს ინიციატორი“, – განაცხადა გიორგი მარგველაშვილმა.
კითხვაზე, ხომ არ ჰქონდა თანამდებობის დატოვების შემდეგ ნინო გვენეტაძესთან კომუნიკაცია გადადგომის მიზეზთან დაკავშირებით და ხომ არ უკავშირდება ეს ე.წ. ციანიდის საქმეზე უზენაესი სასამართლოს გადაწყვეტილებას, საქართველოს პრეზიდენტმა აღნიშნა, რომ ის სასამართლოს გადაწყვეტილებების კომენტირებას არ აპირებს, თუმცა ე.წ. ციანიდის საქმეში, მისი თქმით, შეჯიბრებითობის პრინციპი თავიდანვე დარღვეული იყო.
„კიდევ ერთხელ, გადაწყვეტილებების კომენტირებას, მით უმეტეს უზენაესი სასამართლოს გადაწყვეტილებების კომენტირებას და ქალბატონი ნინოს მონაწილეობას რამე კომისიაში, მე კომენტირებას არ გავაკეთებ. თუმცა ის, რაც ახსენეთ, ე.წ ციანიდის საქმე, თქვენ იცით, რომ საზოგადოებაში, რბილად რომ ვთქვათ, არაერთგვაროვანი რეაქცია აქვს ამ საკითხს. მინდა გაგახსენოთ, რომ არაერთხელ პირადად მე, ასევე ჩემს კოლეგებს დაუფიქსირებიათ თავიანთი შეხედულება ამ საქმესთან დაკავშირებით. ჩვენ თავიდანვე განვაცხადეთ, რომ პირველი დღიდან, როგორც კი მიმდინარეობდა ამ საქმის მოკვლევა, დარღვეულ იქნა შეჯიბრებითობის პრინციპი. რამდენიმე საათში ფაქტობრივად განაჩენი გამოაცხადეს უმაღლესი პოლიტიკური თანამდებობის პირებმა. ჩვენ მაშინვე გვქონდა ამის თაობაზე რეაქცია. შემდეგ, საქმის დახურვის კვალდაკვალ, ასევე არ წყდებოდა განცხადებები და შეჯიბრებითობა, რომელიც არის სამართალწარმოების ფუნდამენტური პრინციპი, ამ შემთხვევაში ნამდვილად იყო დარღვეული. მე ვერ მოგახსენებთ ქალბატონი ნინოს კავშირზე ან შეხედულებებზე ამ საკითხზე. მე ვფიქრობ, ამასთან დაკავშირებით არასწორი იქნება, რომ ქალბატონი ნინოს გადაწყვეტილების ან მისი მოტივების კომენტირება გავაკეთო“, – განაცხადა გიორგი მარგველაშვილმა.
საქართველოს უზენაესი სასამართლოსა და იუსტიციის უმაღლესი საბჭოს თავმჯდომარემ, ნინო გვენეტაძემ თანამდებობა გუშინ დატოვა. გვენეტაძე გადადგომის მიზეზად ჯანმრთელობის მდგომარეობას ასახელებს.
ნინო ექვთიმიშვილი