კომენტარი

ნინო ლომჯარია საგამოძიებო კომისიის მუშაობაზე: გამოძიება სწორი მიმართულებით მიმდინარეობს

გამოძიება სწორი მიმართულებით მიმდინარეობს, თუმცა, რამდენად შედეგის მომტანი იქნება, ამას გარკვეული დრო დასჭირდება, რომ დავინახოთ, - განაცხადა სახალხო დამცველმა, ნინო ლომჯარიამ პროკურატურაში ხორავას ქუჩის სისხლიანი გარჩევის საქმესთან დაკავშირებით გამართული შეხვედრის დასრულების შემდეგ.

პროკურატურის და შსს-ს წარმომადგენლები ხორავას ქუჩაზე მოკლული მოზარდის მამას, ზაზა სარალიძეს შეხვდნენ.

ომბუდსმენმა შეხვედრის დეტალებზე საუბრისგან თავი შეიკავა, თუმცა, აღნიშნა, რომ სახალხო დამცველის აპარატი გამოძიების მიმდინარეობას აკვირდება და ასევე, ასრულებს შუამავლის ფუნქციას.

ნინო ლომჯარიას განცხადებით, ზაზა სარალიძეს გამოძიებასთან კონკრეტული კითხვები ჰქონდა და დღეს გამართულ შეხვედრაზე კონკრეტულ გეგმებსა და საგამოძიებო მოქმედებებზე ისაუბრეს.