პოლიტიკა

ნინო ლომჯარია სახელმწიფო აუდიტის გენერალური აუდიტორის მოადგილე გახდა

”სამართლიანი არჩევნებისა და დემოკრატიის საერთაშორისო საზოგადოების" აღმასრულებელი დირექტორი ნინო ლომჯარია სახელმწიფო აუდიტის სამსახურის გენერალური აუდიტორის მოადგილე გახდა.

ამის შესახებ ბრიფინგზე გენერალურმა აუდიტორმა ლაშა თორდიამ განაცხადა.

როგორც თორდიამ ლომჯარიას წარდგენისას განაცხადა, საზოგადოებისთის ცნობილია მისი საქმიანობის შესახებ.

„მთელი ამ ხნის განმავლობაში იგი ძალიან მნიშვნელოვან როლს ასრულებდა ისეთ პროცესებში როგორიც არის, წინასააჩევნო სისტემის შექმნა, ანტიკორუფციული გარემოს ფორმირება, გამჭვირვალე სისტემების ფორმირება. შესაბამისად მისი ცოდნა, გამოცდილება, ასევე რეპუტაცია არის პირდაპირ თანხვედრაში სახელმწიფო აუდიტის სამსახურის მიზნებისათვის და ამოცანებისათვის“,-განაცხადა თორდიამ.

მისი თქმით, ნინო ლომჯარიას გადაწყვეტილებით, უწყებამ შეიძინა ერთ-ერთი პროფესიონალი კოლეგა, კადრი, რომელიც კიდევ უფრო ეფექტურს გახდის სახელმწიფო აუდიტის სამსახურის საქმიანობას.

მონიკა დავლიანიძე