უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
არქივი
პოლიტიკა
ნინო ბურჯანაძის ინიციატივა: საქართველომ უბლოკო სტატუსი გამოაცხადოს
დემოკრატიული მოძრაობის ლიდერი ნინო ბურჯანაძე ინიციატივით გამოდის, საქართველოს კონსტიტუციის მეშვიდე თავს დაემატოს მუხლი, რომლის თანახმად, საქართველოს უბლოკო სტატუსს გამოაცხადებს და უარს იტყვის ,,ნატოში“ ან სხვა რომელიმე სამხედრო ბლოკში გაერთიანებაზე. ამის შესახებ ბურჯანაძემ პარტიის ოფისში გამართულ საგანგებო ბრიფინგზე განაცხადა და აღნიშნა, რომ ინიციატივის რეალიზებისათვის პარტია ხელმოწერების შეგროვებას იწყებს.
,,მე და ჩემი თანაგუნდელები გამოვდივართ უმნიშვნელოვანესი ინიციატივით, რომელიც იქნება ჩვენი ქვეყნის რეალური დამოუკიდებლობის, სტაბილურობის, მშვიდობის, ტერიტორიული მთლიანობის და ეკონომიკური აღორძინების გარანტი. ჩვენ ვთვლით, რომ საქართველოს კონსტიტუციის მეშვიდე თავს უნდა დაემატოს მუხლი, რომლის მიხედვითაც, საქართველო გამოაცხადებს უბლოკო სტატუსს. ანუ, საქართველო უარს იტყვის ნებისმიერ სამხედრო ბლოკში გაწევრიანებაზე, იქნება ეს ნატო, თუ ნებისმიერი სხვა სამხედრო ორგანიზაცია. საქართველოში არ უნდა იყოს განლაგებული არცერთი უცხო სახელმწიფოს ან არცერთი სამხედრო ორგანიზაციის ჯარი. საქართველოში არ უნდა იყოს არც ,,ნატოს“ და არც რუსეთის ჯარი. როცა ვლაპარაკობ საქართველოზე, ბუნებრივია, ვგულისხმობ ერთიან საქართველოს, აფხაზეთის და ე.წ. სამხრეთ ოსეთის ჩათვლით“, - განაცხადა ნინო ბურჯანაძემ და აღნიშნა, რომ პარტია მთელს საქართველოს მოივლის და მოსახლეობას ამ ინიციატივის მნიშვნელობას აუხსნის.
,,მე დარწმუნებული ვარ, რომ ძალიან ბევრი ადამიანი შემოხაზავს ნომერ სამს და მოგვცემს მანდატს ამ ინიციატივის განხორციელებისათვის“, - აღნიშნა ბურჯანაძემ.
მარი ნამგალაძე