უახლესი ამბები
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
საზოგადოება
ნორმალურია,როცა პროკურატურა გამოძიების დაწყებისას კითხვებს ვერ პასუხობს - სოფიო ხორგუანი
უფლებადამცველი სოფიო ხორგუანი საპატრიარქოში მიმდინარე ამბებს გამოეხმაურა. ხორგუანის განცხადებით, ნორმალურია, თუ პროკურატურა გამოძიების დაწყების ეტაპზე ყველა კითხვას ვერ პასუხობს.
„მოვისმინე მთავარი პროკურორის განცხადება და მასში არცერთი სამართლებრივი შეცდომა არ იყო დაშვებული. ჟურნალისტებმა რამდენჯერმე გაუმეორეს მას კითხვა, დაზუსტება სთხოვეს და ყველა მისი დაზუსტება თუ განმარტება იყო კანონთან შესაბამისობაში. კითხვები დაგვრჩა, მაგრამ ეს არის ნორმალური პროცესი, რადგან გამოძიება ახალი დაწყებულია. ყველა კითხვაზე პასუხი პროკურატურას არ უნდა ჰქონდეს გამოძიების დაწყების ეტაპზე, წინააღმდეგ შემთხვევაში, ესაა დაგეგმილი ამბავი და მან იცის, რა შედეგები დადგება“, - თქვა ხორგუანმა დღევანდელ პრესკონფერენციაზე.
უფლებადამცველმა ასევე ისაუბრა მედიის როლზე საპატრიარქოს საკითხის გაშუქებასთან დაკავშირებით. ხორგუანის თქმით, ჟურნალისტებმა უნდა იხელმძღვანელონ მოძიებული ფაქტებით და არა პოლიტიკოსების მოსაზრებებით.
„ვერდიქტს გამოიტანს მომხდარზე სასამართლო. მედია ყველაზე კარგი მოკავშირეა ქვეყნის განვითარებისთვის, მაგრამ ჩვენ გვინდა ასევე, ახალი ტიპის პოლიტიკოსები და მედიაც, რომლებიც პასუხს აგებენ თავის სიტყვებზე. არასწორია, როცა ჟურნალისტები პროკურორის განცხადების შემდეგ მიდიან და ეკითხებიან დეპუტატებს, თუ რას ფიქრობენ ისინი პროკურორის განცხადებაზე. დეპუტატის აზრი პროკურატურაზე ჩემთვის არ არის საინტერესო, ჩემთვის საინტერესოა, პროკურორი საქმეს რომ წაიღებს სასამართლოში, სასამართლო რა გადაწყვეტილებას მიიღებს. დეპუტატებისგან კი მათ კომპეტენციაში მქონე საკითხები მაინტერესებს“, - განაცხადა ხორგუანმა.
ანა მებურიშვილი