პოლიტიკა

ნუ იქნებით საკუთარი პარტიის ამრევები, ივანიშვილის თანამოაზრეები - ჩიორა თაქთაქიშვილი

,,ნაციონალური მოძრაობის’’ წევრი, ჩიორა თაქთაქიშვილი სოცაილურ ქსელში პარტიაში შექმნილ ვითარეებასთან დაკავშირებით წერს და თანაპარტიელებს მიმართავს.

,,მეგობრებო, დაანებეთ თავი საბოტაჟს, პოლიტსაბჭოს მიერ უმრავლესობით მიღებული გადაწყვეტილების რევიზიას, ყრილობის გადადებაზე სჯა-ბაასს. 20 იანვარს ჩატარდება ენმ-ს ისტორიაში ერთ-ერთი ყველაზე საინტერესო და ევროპული სტილის ყრილობა, შეიქმნება ისტორიული მაგალითიც, აზრთა სხვადასხვაობა როგორ უნდა გადაწყდეს პარტიის შიგნით დემოკრატიული პროცესის ფარგლებში, ყველას შეეძლება ყრილობაზე საკუთარი წინადადების დაყენება და აზრის გამოთქმა.

იყავით ამის ნაწილი! ნუ იქნებით საკუთარი პარტიის ამრევები, ივანიშვილის თანამოაზრეები!’’ - წერს ჩიორა თაქთაქიშვილი ფეისბუქის პირად გვერდზე.

ნინო ექვთიმიშვილი