უკან

უახლესი ამბები

დღის კალენდარი

ანონსები

არქივი

კომენტარი

2 ივნისი, 2018 13:55
font-size

ნუ მომთხოვთ ვიდგე იმათ გვერდით, ვისაც საკუთარი ხალხის სისხლში აქვს ხელები გასვრილი - ეკა ბესელია

პარლამენტის იურიდიულ საკითხთა კომიტეტის თავმჯდომარე ეკა ბესელია ფეისბუქის პირად გვერდზე სტატუსს აქვეყნებს, რომლითაც ზაზა სარალიძის მხარდასაჭელ აქციას და ამ აქციაში ნაციონალური მოძრაობის წარმომადგენელთა მონაწილეობას ეხმიანება.

,,ეს ჩემი პირადი გვერდია და მინდა ღიად დავწერო ჩემი გულწრფელი ემოცია:

ხშირად ვერიდები ამ ემოციების გამოხატვას ! რადგან ვიცი საჯარო პირს მეტი თმენის ვალდებულება მაქვს. ეს ვიცი შეხსენების გარეშე!

პასუხისმგებლობის ხარისხიც იმაზე მეტი მაქვს, ვიდრე აუცილებელია- ამ პოზიციისთვის.
ამ ყველაფრის გააზრებით ვწერ ამას ღიად:

სახელი უნდა დაერქვას ყველაფერს. სამართლიანობა ვერ მიიღწევა ფლიდობით და ვერაგობით. არ შეიძლება ბოროტება მართავდეს სამართლიანობის იდეას.

ამ დღეებში ბევრი რამ გამოჩდა...

არ დავიღლები და იმდენჯერ ვიტყვი რამდენჯერაც შემეძლება, რომ სოლიდარული ვარ და მტკივა რაც ტკივათ შვილმკვდარ მშობლებს!!! უბრალოდ შეუძლებელია არ გესმოდეს მათი თუ ადამიანი ხარ და არა ბოროტება!

ვხედავ ამ რეალობის მიზეზებს და ემოციის და პრობლემის ფესვებსაც...

ვხედავ რა მაშტაბის აგრესიაა საზოგადოებაში, პატარებშიც.

როგორი ტრაგედია დატრიალდა ბავშვებში და როგორ ზუსტად თქვა ლევან დადუნაშვილის დედამ, რომ ეს ყველას ტრაგედიაა.....განზოგადოებული კრებსითი ტკივილია....

მეც და ბევრი ვინც იქ არ ვდგავართ ფიზიკურად რუსთაველზე -ეს არ ნიშნავს სხვა მხარეს დგომას შვილმკვდარი მშობლებისგან! ჩვენ ვერ ვიდგებით სხვადასხვა მხარეს. უბრალოდ ვერ ვიდგებით!

მეც და ხელისუფლებაში მყოფ პირებსაც, ვინც როგორც წესი არ უყვარს მოქალაქეს-სხვა ვალდებულება გვაკისრია. ნაკლები ემოცია და მეტი მოქმედება!

ამ ვალდებულებით დატვირთულს მიწევს ბევრი ისეთი რამის თმენა რაც უბრალოდ ვერ წარმომედგინა.
პასუხისმგებლობის გადანაწილება გვიწევს. ამ გადანაწილებაში უნდა იყოს ყველა ის ადამიანი, ვინც იცის რაიმე ამ მკველობების შესახებ და დღემდე დუმს! არ შეიძლება ეს დუმილი!

ილაპარაკეთ რაც იცით და დაე ყველაფერი იყოს ღია და ნათელი!!!

ჩვენ ხელს არ დავაფარებთ დამნაშავეს ! არავინ დადგება სიმართლეზე მაღლა! არავითარი ინტერესი არ არსებობს , რომელიც სიმართლის დადგენის მიზანს გადაძალავს!!!

ეს სიმართლე არ აინტერესებს არც გვარამიას და არც ნაციონალურ მოძრაობის იმ პირებს, ვინც ამ ტრაგედიას იყენებს რევანშისთვის და საკუთარი პირადი მიზნებისთვის. ეს აშკარად და დაუფარავად ჩანს. მე არ მჯერა რომ მათ ზაზა სარალიძე ან დადუნაშვილის ტკივილი ტკივათ, რადგან მათ ასეთი ტრაგედია საკუთარი ხელებით და საკუთარი ძალაუფლებისთვის ასეულობით აქვთ ჩადენილი.

და აქვე - ბევრმა მომწერა, დამირეკა, გაბრაზდა გვარამიას იმ ზღვარგადასული შეურაცხყოფის გამო, რაც საჯაროდ გაისმა.

გვარამიამ ისე შეურაცხყო საკუთარი თავი დიდი ხანია, რომ ის ვერავის ვერ ესვრის ტალახს.

ხელები ისე აქვს დასვრილი ტალახში და ჩვენი მოქალაქეების უბედურებაში , იმდენი ბოროტება აკეთა, რომ ერთ დიდ ბოროტებად თავად იქცა! ის იყო შემსრულებელი იმ სასტიკი ძალადობრივი რეჟიმის, რომელიც კლავდა, აუპატიურება აწამებდა და სულს ხდიდა ჩვენს მოქალაქეებს.

გვარამია არარაობაა! არარაობას რა პასუხი უნდა მოთხოვო. ბოროტება უნდა დაამარცხო და მარცხდება კიდეც.ასეთია კანონზომიერება. ბოროტების გვერდით ყოფნა კი იგივეა -იყო თანამონაწილე. ასე რომ იმათი არჩევანია ვინც ამას ემსახურება, ამართლებს ან მის გვერდით დგას!

ესაა ჩემი პასუხი ამ მართლაც არაორაობისადმი!!!

ყოველთვის და ყველგან ვებრძოდი ამ ძალადობას და უსამართლობას და გავიარე უმძიმესი და ტკივილით სავსე გზა სწორედ სხვების დასაცავად.

ჩემი სკოლის მოსწავლე შვილი და უდანაშაულო ძმა რომ მძევლად აიყვანეს და სასტიკად დასაჯეს ნაცბანდის ლიდერებმა -ესეც სხვათა დაცვის გამო გადავიტანეთ მთელმა ოჯახმა და არა პირადი პრობლემების გამო. ვიდექი ტყვიების ზუზუნში და ყველაზე გაუსაძლისი განსაცდელი გავიარე ისე ,რომ ფეხი ვერ მომაცვლევინეს ამ ბრძოლაში და ვერ გამაჩერეს.

და ვინ , ვინ გვასწავლის სამაართლიანობას გვარამია და სააკაშვილი???

ყველა მახსოვს ვინ სად იყო მაშინ და ვინ ბედავდა და იღებდა ხმას! ყველა მახსოვს ვინ რას ჩადიოდა ....და არა მარტო მე მახსოვს...

დღეს იოლია გამოხვიდე ყველაზე მძიმე ბრალდებით და პროტესტით...ეს არაა საშიში... დღეს ჩვენ რუსთაველზე მდგომი ნატკენი ადამიანების გვესმის... ხელს გიწვდით...მაგრამ ნუ მომთხოვთ ვიდგე იმათ გვერდით ვისაც საკუთარი ხალხის სისხლში აქვს ხელები გასვრილი!!! არასოდეს მოხდება ეს!

არასოდეს არ დაბრუნდება ქვეყანა იმ წარსულში. ამისთვის უკვე ბევრი მსხვერპლი გავიღეთ. მე არ მაინტერესებს არც მანდატი და არც თანამდებობა, ორივეზე უარი ვთქვი 2009 წელს, როდესაც ეს მანდატი დავჭერი სწორედ რუსთაველზე და სწორედ უსამართლობის გამო. ვიცოდი რაც მოყვებოდა , მაგრამ არასოდეს შემშინებია .სადაც არ უნდა ვიყო ეს განცდა მექნება სულ , რომ სიკეთე უნდა აკეთო!

მე მინდა ვიდრე შემიძლია შევეხიდო ამ ტკივილში დაზარალებულებს და ვინც რითი შევძლებთ ყველამ სიმართლე დავადგინოთ.

ჩვენ , შვილმკვდარ მშობლებს ხელს გიწვდით, რომ ვიაროთ სიმართლის დასადგენად და ამისთვის გავაკეთოთ ვისაც რა შეგვიძლია. ესაა და ეს .

ყველაფერი დროებითია ! მარადიული სიკეთეა მხოლოდ და სიყვარული!“ - წერს ეკა ბესელია.

ველოდებით, როდის გამოაცხადებს ოპოზიცია ჭაკუას პოლიტპატიმრად - ირაკლი კობახიხე

3 ივლისი, 2020 , 16:55

ჭაკუას ექსტრადიცია შეახსენებს ყველას, რომ არც ერთი დანაშაული დაუსჯელი არ დარჩება. ახლა ველოდებით, როდის გამოაცხადებს ოპოზიცია ჭაკუას პოლიტპატიმრად,- ასე ეხმიანება საპარლამენტო უმრავლესობის წევრი, ირაკლი კობახიძე გერმანიი

გიორგი გახარია რურუაზე: ყველა დამნაშავე და კრიმინალი უნდა იჯდეს ციხეში და ამას პოლიტიკურ პროცესთან კავშირი არ უნდა ჰქონდეს

3 ივლისი, 2020 , 15:40

სისხლის სამართლის ყველა დამნაშავე და კრიმინალი უნდა იჯდეს ციხეში და ამას პოლიტიკურ პროცესთან კავშირი არ უნდა ჰქონდეს, - ამის შესახებ საქართველოს პრემიერ-მინისტრმა გიორგი გახარიამ ქუთაისში, რურუას საქმესთან დაკავშირებით დ

გიორგი გახარია ვიქტორ ჯაფარიძის მილიონებზე: `თუ არსებობს იოტისოდენა საფუძველი, მოკვლევა დაიწყება`

3 ივლისი, 2020 , 15:40

თუ არსებობს იოტისოდენა საფუძველი, მოკვლევა დაიწყება - ამბობს პრემიერ მინისტრი "ქართული ოცნების" დეპუტატის, ვიქტორ ჯაფარიძის კომპანიებსა და მის მოგებულ ტენდერებთან დაკავშირებით. როგორც "საერთაშორისო გამჭვირვალობის" კვლევი

გიორგი გახარია შაქარაშვილის საქმეზე - უახლოეს საათებში და დღეებში საზოგადოების მხრიდან დასმულ ყველა კითხვას შესაბამისმა საგამოძიებო უწყებებმა პასუხი უნდა გასცენ

3 ივლისი, 2020 , 14:20

სამწუხაროა, რომ ეს რთული პრობლემა ვერ გადავლახეთ და ხშირ შემთხვევაში ზოგიერთები ცდილობენ, ადამიანის ტრაგედიები პოლიტიკური კონიუნქტურისთვის გამოიყენონ, - ასე უპასუხა საქართველოს პრემიერ-მინისტრმა გიორგი გახარიამ ფეხბურთელ

დარწმუნებული ვარ “მთავარი” არ დაუშვებს მის სარედაქციო პოლიტიკაში ვინმე ჩაერიოს - გიორგი გახარია

3 ივლისი, 2020 , 12:45

დარწმუნებული ვარ, დღეს საქართველოს სამართლებრივი ჩარჩო არავის აძლევს შესაძლებლობას, რომ პოლიტიკური ან რაიმე სხვა თვალსაზრისით, რომელიმე მედიასაშუალების სარედაქციო პოლიტიკაში ჩაერიოს,- ამის შესახებ საქართველოს პრემიერ-მინ

გიორგი გახარია კონგრესმენ მალენის წერილზე - ჩვენი საერთაშორისო პარტნიორები ერთხმად აღნიშნავენ ქვეყნის დემოკრატიზაციის პროცესში წინ გადადგმულ ნაბიჯებს

3 ივლისი, 2020 , 11:55

საქართველოს აკონტროლებს საქართველოს პარლამენტი, საქართველოს მთავრობა და შესაბამისი ინსტიტუტები, - ამის შესახებ საქართველოს პრემიერ-მინისტრმა, გიორგი გახარიამ კონგრესმენ მარკუეინ მალენის სტატიასთან დაკავშირებით, ჟურნალისტ

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე