მსოფლიო

ოდესის პორტში თურქეთის საზღვაო ძალების ორი ხომალდი შევიდა

უკრაინის სამხედრო-საზღვაო ძალების პრესცენტრის ინფორმაციით, ოდესის პორტში თურქეთის საზღვაო ძალების ორი ხომალდი შევიდა.

„დღეს, 3 აპრილს, ოდესის პორტში მეგობრული ვიზიტით შემოვიდა თურქეთის რესპუბლიკის საზღვაო ძალების ორი ხომალდი - TCG "GAZIANTEP”-ის ფრეგატი და TCG "HEYBELIADA”-ის კორვეტი“, - წერია უკრაინის საზღვაო ძალების პრესცენტრის განცხადებაში.

პროგრამის თანახმად, 3-4 აპრილს ოდესელები შეძლებენ ექსკურსიის ფარგლებში, დაათვალიერონ ხომალდები. იგეგმება თურქული ეკიპაჟის წევრების ექსკურსია ოდესაში.

17 მარტს ოდესის პორტში ნატო №2 სამხედრო-საზღვაო ნაღმსაწინააღმდეგო მუდმივმოქმედი დანაყოფის ხომალდები იყო შესული, ხოლო წინა კვირას - საფრანგეთის საზღვაო ძალების სარაკეტო ფრეგატი „ლაფაიეტი“.

ანა მებურიშვილი