უკან

საზოგადოება

27 მარტი, 2017 14:10
font-size

ოჯახურ ძალადობაში ბრალდებულების მიმართ სასამართლო ზედმეტად ლმობიერია - საია

საქართველოს ახალგაზრდა იურისტთა ასოციაციამ ანგარიში „ოჯახში ძალადობა, ოჯახური დანაშაული და ქალთა მიმართ ძალადობა“ წარადგინა. მასში განხილულია ოჯახურ ძალადობასთან დაკავშირებული საქმეები და სასამართლოების მიერ მათზე გამოტანილი გადაწყვეტილებები.

ანგარიშის მიხედვით, ძირითადად მოსამართლეები ძალიან ლმობიერ დამოკიდებულებას იჩენენ მოძალადეების მიმართ, რაც არ იცავს მსხვერპლს შესაძლო ძალადობისგან მომავალში.

„ხშირად, ოჯახში ძალადობის, ოჯახური დანაშაულისა და ქალთა მიმართ ძალადობის საქმეებზე მოსამართლეები ადეკვატურად არ აფასებენ არსებულ საფრთხეებს და ბრალდებულებს დაუსაბუთებლად ლმობიერ აღკვეთის ღონისძიებებს უფარდებენ. ამით პოტენციური საფრთხე ექმნება ძალადობის მსხვერპლი ქალების სიცოცხლესა და ჯანმრთელობას. წინა საანგარიშო პერიოდისაგან განსხვავებით, მნიშვნელოვნად არის გაზრდილი არასათანადო აღკვეთის ღონისძიების გამოყენების პროცენტული მაჩვენებელი“, - წერია ანგარიშში.

საიას შეფასებით, მოსამართლეებს უჭირთ, შეუფარდონ მოძალადეებს თავისუფლების აღკვეთა. საიას ანგარიშის მიხედვით, აღკვეთის ღონისძიების გამოყენებასთან დაკავშირებით ყველაზე საგანგაშო მდგომარეობაა ქუთაისის საქალაქო სასამართლოში. კერძოდ, 14 საქმიდან არცერთ შემთხვევაში არ იყო გამოყენებული პატიმრობა. იყენებდნენ გირაოს ან უფრო ნაკლებად მკაცრ ღონისძიებას.

მონიტორინგის შედეგად გამოვლინდა, რომ პრაქტიკაში ოჯახური ძალადობა აღიქმება მსხვერპლისა და მოძალადის პირად საქმედ, რომელიც უფრო ლმობიერ მოპყრობასა და შეფასებას იმსახურებს, ვიდრე ამავე სიმძიმის სხვა დანაშაულები.

კვლევის მიხედვით, რომ ოჯახურ ძალადობასთან დაკავშირებული საქმეები არ კვალიფიცირდებიან, როგორც გენდერული ნიშნით ძალადობა.

„კვლევამ აჩვენა, რომ პროკურატურისა და სასამართლო ორგანოებისათვის გენდერული ნიშნით მოტივირებული დანაშაულების გამოკვლევა და შეფასება კვლავ მნიშვნელოვანი გამოწვევაა.

მონიტორინგის შედეგად გამოვლენილ არცერთ შემთხვევაში, ქალთა მიმართ ძალადობის საქმეებზე, დანაშაულის დაკვალიფიცირება არ მომხდარა დისკრიმინაციულ დანაშაულად. (არ მომხდარა მითითება სსკ-ის 53-ე მუხლის 31 პუნქტზე). მიუხედავად საქმეში არსებული გენდერული დისკრიმინაციის მოტივის მიმანიშნებელი გარემოებებისა, პროკურორებისა და მოსამართლეების ანალიზი ამ კუთხით მსჯელობას არ მოიცავს“, - წერია ანგარიშში.

საია მოუწოდებს სასამართლო ხელისუფლების წარმომადგენლებსა და პროკურორებს, გენდერულად სენსიტიური მართლმსაჯულების გაძლიერებისაკენ და ქალთა მიმართ ძალადობის საქმეებზე სამართალწარმოების სრულყოფა-გაუმჯობესებისაკენ.

საიამ მონიტორინგი განახორციელა თბილისის, ქუთაისის, ბათუმის, გორისა და თელავის სასამართლოებისა და თბილისისა და ქუთაისის სააპელაციო სასამართლოების სისხლის სამართლის საქმეებზე. საიას განცხადებით, ეს უკვე მე-10 ანგარიშია აღნიშნულ თემაზე, რომელიც მოიცავს პერიოდს 2016 აგვისტოდან 2017 წლის იანვრის ჩათვლით.

ანა მებურიშვილი

კელი დეგნანი - ეროვნული ბაკნის პრეზიდენტმა ძალიან კარგად გაართვა თავი ქვეყანაში არსებული მძიმე სიტუაციის მართვას

6 ივლისი, 2020 , 22:39

საქართველოს ეროვნული ბანკის პრეზიდენტი კობა გვენეტაძე ამერიკის შეერთებული შტატების საგანგებო და სრულუფლებიან ელჩს საქართველოში კელი დეგნანს შეხვდა. როგორც „მედიანიუსს“ საქართველოს ეროვნული ბანკიდან აცნობეს, შ

ვითიბი ბანკი იპოთეკური სესხების სუბსიდირების პროგრამაში ჩაერთო

6 ივლისი, 2020 , 17:35

ვითიბი ბანკი იპოთეკური სესხების სუბსიდირების პროგრამაში ჩაერთო. საქართველოს მოქალაქეს შეუძლია ისარგებლოს აღნიშნული პროგრამით, თუ ის 2020 წლის ბოლომდე, ნებისმიერი დეველოპერული კომპანიისგან, შეიძენს ბინას და სესხის თანხა ა

საქართველოს ბანკი ხუთ ევროპულ საფინანსო ინსტიტუტთან ერთად ქალთა გაძლიერების ხელშეწყობაზე აცხადებს

6 ივლისი, 2020 , 17:18

საქართველოს ბანკმა ხუთ ევროპულ საფინანსო ინსტიტუტთან ერთად (DEG, Finfund, FMO, SIFEM და Swedfund) 2X Challenge ინიციატივის მხარდაჭერაზე განაცხადა. ინიციატივა ქალი მეწარმეებისთვის ფინანსური ხელმისაწვდომობის ზრდას, მათი ბი

საქართველოს მოქალაქეების სამშობლოში დასაბრუნებლად ავიარეისებს „ვიზეარი“ და „მაივეი ეარლაინსი“ შეასრულებენ

6 ივლისი, 2020 , 16:15

საზღვარგარეთ მყოფი საქართველოს მოქალაქეების სამშობლოში დასაბრუნებლად, ივლისის განმავლობაში ავიარეისებს „ვიზეარი“ და „მაივეი ეარლაინსი“ შეასრულებენ, – ამის შესახებ ინფორმაციას საქართველოს პრე

გიორგი გახარია აბიტურიენტებს მიმართავს - თქვენ ხართ ჩვენი მომავალი და თქვენი განათლება საქართველოს წინსვლის გარანტიაა

6 ივლისი, 2020 , 16:15

საქართველოს პრემიერ-მინისტრი გიორგი გახარია აბიტურიენტებს ერთიან ეროვნულ გამოცდებზე წარმატებებს უსურვებს. „დღეს ერთიანი ეროვნული გამოცდები დაიწყო. წარმატებას გისურვებთ ახალგაზრდებო! თქვენს ცხოვრებაში ეს არის ის ერთ

ირაკლი ჩიქოვანი - დღეიდან შესაძლებელია ტრენინგებისა და კონფერენციების ჩატარება დახურულ სივრცეშიც, გაიხსნა პროფესიული სასწავლებლები

6 ივლისი, 2020 , 15:50

ბოლო 24 საათის განმავლობაში ქვეყანაში დაფიქსირდა ორი ახალი შემთხვევა Covid-19-ით ინფიცირებისა, ორივე შემთხვევა არის იმპორტირებული შემთხვევა და გადაყვანილები არიან შესაბამის სამედიცინო დაწესებულებაში, – ამის შესახებ

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე