უახლესი ამბები
- 19.04.2024 15:1420-22 აპრილს საქართველოს ზოგიერთ რაიონში სითბოს ფონზე ხანმოკლე წვიმაა მოსალოდნელი
- 19.04.2024 15:06ეს პროექტი არის უკან გადადგმული ნაბიჯი და ეწინააღმდეგება საქართველოს ევროატლანტიკურ ინტეგრაციას - ხავიერ კოლომინა
- 19.04.2024 14:26ძალიან ვწუხვარ ბატონი ალეკოს თემაზე, ძალიან ცუდი ფაქტია, რაც მოხდა, თუმცა რა მოხდა რეალურად, დაველოდოთ გამოძიებას - ვახტაგ გომელუარი
- 19.04.2024 12:33პარლამენტმა „საგადასახადო კოდექსში“ ცვლილებები მესამე მოსმენით მიიღო
- 19.04.2024 12:06საქართველოს ტერიტორიასა და მის ფარგლებს გარეთ მოქმედ პირთა გარკვეული ჯგუფი, 2023 წლის ოქტომბერ-დეკემბერში საქართველოში გეგმავდა დესტაბილიზაციას და სამოქალაქო არეულობის მოწყობას, რომლის საბოლოო მიზანი ხელისუფლების ძალადობრივი გზით შეცვლა იყო - სუს-ის ანგარიში
- 19.04.2024 11:50დიდი ოდენობით თანხის მოტყუებით დაუფლების ფაქტზე ბრალდებულები სასამართლომ დამნაშავედ ცნო
- 19.04.2024 11:13მიხეილ სარჯველაძე გაერო-ს ბავშვთა ფონდის წარმომადგენელ იესპერ მოლერს შეხვდა
არქივი
პოლიტიკა
ოკუპაცია სულ უფრო და უფრო მძიმე ფორმებს იღებს - ზურაბ აბაშიძე
ქართულ-რუსული ურთიერთობები ოკუპაციის გამო ღრმა ჩიხშია და გამოსავალი არ ჩანს, – ამის შესახებ რუსეთთან ურთიერთობის საკითხებში პრემიერ-მინისტრის სპეციალურმა წარმომადგენელმა, ზურაბ აბაშიძემ პირველი არხის გადაცემაში „თავისუფალი ხედვა“ განაცხადა.
„რუსეთი მზად არ არის, ჩვენი რეგიონების აღიარების შესახებ თავისი გადაწყვეტილება უკან წაიღოს და ჩვენ ამას ვერასდროს შევეგუებით. ოკუპაცია გრძელდება. ოკუპაცია სულ უფრო და უფრო მძიმე ფორმებს იღებს. ეს ე.წ. ბორდერიზაცია მიმდინარეობს, იქ კედელი შენდება და ეს ალბათ, არ შეწყდება. რეალისტური ხედვა ასეთია“, – განაცხადა აბაშიძემ.
მისი თქმით, არსებული რეალობა 2008 წლის მოვლენების შედეგია და მას შემდეგ, ვითარება ვერ შეიცვალა.
„ეს ვითარება ჩვენ ვერ შევცვალეთ და ეს გახლავთ შედეგი 2008 წლის უბედურებისა, რაც მაშინ მოხდა. აგვისტოს ომის ყველაზე მძიმე შედეგი აღმოჩნდა სწორედ ეს სამართლებრივი მხარე და მოსკოვის მიერ ამ რეგიონების დამოუკიდებელ სახელმწიფოებად აღიარება. იმიტომ, რომ რუსეთს ხელი გაეხსნა, მათ ეს საზღვარი შეუქმნას და ინფრასტრუქტურა აუშენოს. როდესაც მათ ამ თემაზე ესაუბრები, გამოთქვამ აღშფოთებას, კრიტიკას და ასე შემდეგ, გეუბნებიან, მე არაფერ შუაში აღარ ვარ, ისინი დამოუკიდებელი სახელმწიფოებია, წადი ახლა და ცხინვალსა და სოხუმს ელაპარაკეო. აი, ასეთ ჩიხში, თუ ასეთ მოჯადოებულ წრეში ვართ მოქცეული. ამ თემაზე, როგორ უნდა მოგვარდეს ეს პრობლემა და გამოსავალი სად არის, თვითონ რუსეთის მხარე პრინციპში, აღარც გესაუბრება, წერტილი დასვეს“, – განაცხადა აბაშიძემ.
როგორც აბაშიძემ აღნიშნა, მას სურს, ოპტიმისტურად ისაუბროს და საზოგადოებას იმედი ჩაუნერგოს, რადგან ერთმანეთისთვის შეძახება ყოველთვის აუცილებელია, მაგრამ ამავე დროს, რეალიზმის განცდა არ უნდა დავკარგოთ.
„პროცესები, რაც რუსეთში მიმდინარეობს და გლობალური სურათი, რუსეთის დასავლეთთან ურთიერთობები იმის მოლოდინს არ იძლევა, რომ ახლო მომავალში დიდ პოზიტიურ ცვლილებებს უნდა ველოდოთ. მართალი გითხრათ, რუსეთთან დაკავშირებით მე ასეთი მოლოდინი არ მაქვს. ახლო და საშუალო პერსპექტივაში ასეა და მერე რა იქნება, ძნელი სათქმელია“, – განაცხადა ზურაბ აბაშიძემ.