უკან

კონფლიქტის ზონა

4 მაისი, 2018 16:40
font-size

ოკუპირებულ აფხაზეთში არსებულ ეკოლოგიურ მდგომარეობასთან დაკავშირებით კონფერენცია გაიმართა

აფხაზეთის ავტონომიური რესპუბლიკის მთავრობის ინიციატივითა და აფხაზეთის გეოლოგიისა და მინერალური რესურსების სააგენტოს ორგანიზებით კონფერენცია თემაზე „აფხაზეთის შავი ზღვის სანაპირო ზოლის გეოეკოლოგიური მდგომარეობა და მასზე ანთროპოგენური ზემოქმედების შედეგების ანალიზი“ გაიმართა.

კონფერენცია გახსნა და მონაწილეებს მიესალმა აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია.

აფხაზეთის გეოლოგიისა და მინერალური რესურსების სააგენტოს დირექტორის მრჩეველმა ბადრი გალდავამ მოხსენება გააკეთა რუსეთის ფედერაციის მიერ ოკუპირებული აფხაზეთის ტერიტორიაზე ინერტული მასალის უკანონო მოპოვების ფაქტებსა და მისგან გამოწვეულ მძიმე ეკოლოგიურ შედეგებზე.

რუსეთის ფედერაცია აფხაზეთში დიდი ხნის განმავლობაში უკანონოდ მოიპოვებს ინერტულ მასალას. ამ პროცესმა განსაკუთრებით დიდ მასშტაბებს 2014 წლის სოჭის ოლიმპიადისთვის საჭირო ინფრასტრუქტურის მშენებლობის დროს მიაღწია. აღნიშნული ქმედების გამო კატასტროფულად შემცირდა მდინარეების მიერ ჩამოტანილი ნაშალი მასალის რაოდენობა, რამაც თავის მხრივ სანაპირო ზოლში ძალიან მძიმე ვითარება წარმოშვა. განსაკუთრებულად მძიმე ვითარებაა ოჩამჩირეში, მდინარე გუმისთის მიმდებარე ტერიტორიაზე არსებულ მოქმედ კარიერზე და სოხუმში. გარდა ამისა ეს პროცესები აფხაზეთის გარდა, საფრთხეს უქმნის შავი ზღვის მთელ სანაპიროს. ვითარების გამოსასწორებლად საჭიროა დროული რეაგირება და სანაპირო ზოლის ხელოვნური ჩარევის გზით აღდგენა.

კონფერენციის მონაწილეებმა მიიღეს რეკომენდაციები და მხარი დაუჭირეს ამ პრობლემასთან დაკავშირებული ერთობლივი რეზოლუციის მიღებას, რომელიც შემდგომი რეაგირებისთვის საქართველოს საკანონმდებლო ორგანოს, აღმასრულებელ ხელისუფლებას, დიპლომატიურ კორპუსსა და საერთაშორისო ორგანიზაციებს გადაეგზავნება.

კონფერენციაში მონაწილეობა მიიღეს საქართველოს გარემოს ეროვნული სააგენტოს გეოლოგიის დეპარტამენტის უფროსის მოადგილე ემილ წერეთელმა, სოხუმის სახელმწიფო უნივერსიტეტის პროფესორმა მელორ ალფენიძემ, საქართველოს მწვანეთა მოძრაობა/დედამიწის მეგობრების წარმომადგენელმა ნინო ჩხობაძემ, არასამთავრობო ორგანიზაცია „ეკოტექის“ წარმომადგენელმა თემურ ვეკუამ და გეოლოგმა ვახტანგ დეკანოიძემ.

კონფერენციას აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა, აფხაზეთის ავტონომიური მთავრობის წევრები და აფხაზეთის ავტონომიური რესპუბლიკის უმაღლესი საბჭოს დეპუტატები ესწრებოდნენ.

ოკუპირებულ აფხაზეთში რუსეთის საჰაერო დესანტის სამხედრო სწავლება მიმდინარეობს

14 აგვისტო, 2018 , 11:40

ოკუპირებულ აფხაზეთში, ქალაქ გუდაუთაში რუსეთის მეშვიდე სამხედრო ბაზაზე რუსეთის სამხრეთის სამხედრო ოლქის სამხედრო ბაზის საჰაერო დესანტის მონაწილეობით სამხედრო სწავლება მიმდინარეობს. სამხედრო სწავლების სცენარის მიხედვით, დე

რაულ ხაჯიმბამ ვლადიმერ პუტინი და დიმიტრი მედვედევი დაპატიჟა

10 აგვისტო, 2018 , 12:35

ოკუპირებული აფხაზეთის დე-ფაქტო პრეზიდენტმა რაულ ხაჯიმბამ რუსეთის პრეზიდენტი ვლადიმერ პუტინი და პრემიერ-მინისტრი დიმიტრი მედვედევი ე.წ. დამოუკიდებლობის გამოცხადების მე-10 წლისთავთან დაკავშირებულ საზეიმო ღონისძიებაზე მიიწვ

საქართველოს ოკუპირებულ ტერიტორიებზე არსებული უძრავი ქონების დეკლარირებისა და აღრიცხვის პროცედურა იწყება

9 აგვისტო, 2018 , 10:50

მთავრობამ საქართველოს ოკუპირებულ ტერიტორიებზე არსებული უძრავი ქონების დეკლარირებისა და აღრიცხვის თანდართული სახელმწიფო პროგრამა დაამტკიცა. დადგენილებაში აღნიშნულია, რომ პროგრამა განსაზღვრავს წესებსა და პროცედურებს, ოკუპი

ოკუპირებულ აფხაზეთში კოდორის ხეობიდან გადასვლის გამო ქუთაისის მკვიდრი დააკავეს

8 აგვისტო, 2018 , 15:20

კოდორის ხეობაში, გულრიფშის რაიონის სოფელ საკენში რუსეთის უშიშროების ფედერალური სამსახურის თანამშრომლებმა ე.წ. საზღვრის უკანონო გადაკვეთის ბრალდებით ახალგაზრდა მამაკაცი დააკავეს. აფხაზური მედიის ცნობით, მამაკაცი ქუთაისის

ქართულ საზოგადოებას ესმის, რომ სამხრეთ ოსეთსა და აფხაზეთს ვერ დაინახავს ისევე, როგორც საკუთარ ყურებს - ანატოლი ბიბილოვი

6 აგვისტო, 2018 , 17:00

ოკუპირებული სამხრეთ ოსეთის დე-ფაქტო პრეზიდენტის, ანატოლი ბიბილოვის განცხადებით, ქართული საზოგადოება ხვდება, რომ „სამხრეთ ოსეთსა და აფხაზეთს ისევე ვერ დაინახავს, როგორც საკუთარ ყურებს“. - ამის შესახებ ბიბილოვმ

ხელისუფლების წარმომადგენლებმა საოკუპაციო ხაზთან ინფრასტრუქტურული პროექტები დაათვალიერეს

6 აგვისტო, 2018 , 15:00

შერიგებისა და სამოქალაქო თანასწორობის საკითხებში სახელმწიფო მინისტრმა, ქეთევან ციხელაშვილმა, ინფრასტრუქტურის მინისტრის მოადგილემ ილია ბეგიაშვილმა და პარლამენტარებმა სოფიო ქაცარავამ და გია ვოლსკიმ საოკუპაციო ხაზის მიმდება

ვიდეო გალერეა

სისხლში მოსვრილი ბიჭები ხორავას ქუჩიდან