უკან

უახლესი ამბები

დღის კალენდარი

ანონსები

არქივი

პოლიტიკა

7 ივლისი, 2017 17:00
font-size

ოკუპირებულ ტერიტორიაზე მიმდინარეობს ქართველთა გენოციდი - შალვა ნათელაშვილი G20-ის წევრი ქვეყნების ლიდერებს მიმართავს

საქართველოს ლეიბორისტული პარტიის ლიდერი, შალვა ნათელაშვილი „დიდი ოცეულის“ წევრ სახელმწიფოთა და მთავრობათა მეთაურებს მიმართავს.

ნათელაშვილი ოცეულის სახელმწიფოთა ლიდერებს მოუწოდებს, ჰამბურგში მიმდინარე სამიტის განსახილველ მთავარ საკითხად აქციონ რუსეთის მიერ საქართველოს ტერიტორიების ოკუპაცია
და მოსთხოვონ პრეზიდენტ პუტინს „საქართველოს დეოკუპაცია.

მედიანიუსი შალვა ნათელაშვილის განცხადებას უცვლელად გთავაზობთ.

„ვადასტურებთ თქვენი აღმატებულებისადმი უდიდეს პატივისცემას და დიდ წარმატებებს გისურვებთ სამიტის მუშაობაში.

დღეს, როდესაც ჰამბურგში, დედამიწის ეს უდიდესი ფორუმი იწყებს მუშაობას რუსეთის ფედერაციის შეიარაღებული ძალები აგრძელებენ გაეროს მიერ აღიარებული და მათ მიერ ოკუპირებული საქართველოს ტერიტორიების შემოღობვა- ბორდერიზაციას, დღეს ეს ვანდალიზმი უკვე განხორციელდა ევრაზიის დამაკავშირებელი ავტო მაგისტრალიდან რამდენიმე მეტრში, რეალური საფრთხის ქვეშაა საქართველოზე გამავალი ევროპისათვის სასიცოცხლო ნავთობ და ენერგოსადენები.

აღვირახსნილი ანექსიის შედეგად ადამიანები მასობრივად კარგავენ საკუთრებას, მიწებს, სახლებს, სალოცავებს, ახლობელთა საფლავებს. შუაზე იყოფა ქალაქები, სოფლები, ოჯახები, უქმდება მშვიდობიანი მოსახლეობის გადასასვლელები, მასობრივად აჰყავთ მძევლებად მოქალაქეები, ხშირად საკუთარი მამულებიდან.

ოკუპირებულ ტერიტორიაზე მიმდინარეობს ქართველთა გენოციდი, მათი გამოძევება, ცხოვრებისათვის აუტანელი პირობების შექმნა, იძულება უარი თქვან საქართველოს მოქალაქეობაზე და ძალდატანებითი პასპორტიზაცია, სკოლებიდან იდევნება ქართული ენა, ბარბაროსულად ნადგურდება ქართული კულტურის, ისტორიის, ტოპონიმიკის და საერთოდ, მრავალათასწლიანი ცივილიზაციის კვალი. ეს ტერიტორიები გადავსებულია არა მარტო რუსული ჯარებით, არამედ უახლოესი სტრატეგიული იარაღით, სამხედრო ბაზებით, რაც მთელ რეგიონალურ უშიშროებას უქმნის რეალურ საფრთხეს..

კრემლის მიზანია საქართველოს ტერიტორიების გავლით გახსნას სახმელეთო, სარკინიგზო მაგისტრალები ამიერკავკასიაში, ირანთან თურქეთში სტრატეგიული ინტერესების განსახორციელებლად, რაზედაც ჟენევაში ამ წუთებშიც მიმდინარეობს საქართველოს კაპიტულანტური მთავრობის მოლაპარაკება რუსეთის ხელისუფლებასთან.

სამიტის მუშაობაში მონაწილეობს რუსეთის ფედერაციის პრეზიდენტი ვლადიმერ პუტინი, რომელიც ასევე, საქართელოს ოკუპაცია-ანექსიის ავტორი და სულისჩამდგმელია. თუ მან მოახერხა დაუსჯელად საქართველოს გადაყლაპვა, მადამოსული იგივეს გააკეთებს არა მარტო პოსტსაბჭოურ სივრცეზე, არამედ მთელ მსოფლიოში, რაც მომავალი მსოფლიო კატასტროფის მიზეზი გახდება.

მოგეხსენებათ, რომ არ ყოფილიყო მიუნხენის გარიგება და სუდეტის ოლქის დათმობა ჰიტლერისათვის, არ იქნებოდა მეორე მსოფლიო ომიც. უკრაინა და სირია დაიწყო მხოლოდ მას შემდეგ, რაც კრემლის ხელმძღვანელობას ფაქტობრივად ეპატია 2008 წელს საქართველოს მიმართ აგრესია-ოკუპაცია.

მთელი საქართველოს სახელით მოგმართავთ და უმორჩილესად გთხოვთ, საქართველოს ეს ტრაგედია გადააქციოთ სამიტის განსახილველ მთავარ საკითხად და მოსთხოვოთ პრეზიდენტ პუტინს საქართველოს დეოკუპაციის დაუყოვნებლივ დაწყება, ჯარების გაყვანა, ტერიტორიული მთლიანობის აღიარება.
დამერწმუნეთ, ეს არა მარტო ჩვენს ქვეყანას, არამედ კაცობრიობას გადაარჩენს იმ გამანადგურებელი საფრთხისგან, რაც საზღვრების რევიზიასა და მისგან გამოწვეულ გლობალურ კატასტროფასთანაა დაკავშირებული“,-ნათქვამია ნათელაშვილის მიმართვაში.

მონიკა დავლიანიძე

საკვანძო სიტყვები:

“გუნდში რჩებიან როგორც ინგლისურის, ასევე ფრანგულის, ევროპული და არაევროპული ენების მცოდნეები”

21 ნოემბერი, 2019 , 16:40

პარლამენტში უმრავლესობა თანამდებობებს ანაწილებს. არსებული ინფორმაციით, ამ ეტაპზე გარკვეულია ყველა კომიტეტის ახალი ხელმძღვანელის ვინაობა, გარდა განათლების კომიტეტისა. გავრცელებული ინფორმაციით, აღნიშნულ თანამდებობაზე რამდე

გიორგი გახარიამ ფინანსთა მინისტრს დაავალა, განსაკუთრებული ყურადღება დაეთმოს ყველაფერს, რაც შემოსავლების სამსახურში ხდება

21 ნოემბერი, 2019 , 11:30

სამართლიანი, გამჭვირვალე და ეფექტური საგადასახადო სისტემა არის პრიორიტეტი და ეს იქნება უმნიშვნელოვანესი ფაქტორი ქვეყნის ეკონომიკური განვითარებისა და სახელმწიფოს ფუნქციონირებისათვის ,- ამის შესახებ საქართველს პრემიერ-მინი

ნატო-ს მინისტერიალის ფარგლებში დავით ზალკალიანი ორმხრივ შეხვედრებს მართავს

20 ნოემბერი, 2019 , 17:10

საქართველოს საგარეო საქმეთა მინისტრის დავით ზალკალიანის განცახდებით ნატო-ს მინისტერიალის ფარგლებში ბრიუსელში დაგეგმილი მისი შეხვედრები დაკავშირებულია ნატო-ს ლიდერთა შეხვედრაზე, რომელიც ლონდონში დეკემბრის დასაწყისში გაიმა

სახელმწიფო უსაფრთხოების სამსახურის უფროსი ჟენევის საერთაშორისო დისკუსიების თანათავმჯდომარეებს შეხვდა

20 ნოემბერი, 2019 , 14:55

სახელმწიფო უსაფრთხოების სამსახურის უფროსი გრიგოლ ლილუაშვილი ჟენევის საერთაშორისო დისკუსიების თანათავმჯდომარეებს შეხვდა. შეხვედრას ესწრებოდა სახელმწიფო უსაფრთხოების სამსახურის უფროსის მოადგილე ალექსანდრე ხოჯევანიშვილი, სა

მომავალი კვირიდან მთელი საქართველო „დაბოქლომდება“ - გიორგი ვაშაძე

20 ნოემბერი, 2019 , 14:55

მშვიდობიანი პროტესტის ველზე უსუსტესია ივანიშვილიც, გახარიაც და კალაძეც, - ამის შესახებ „გაერთიანებული ოპოზიციის“ ერთ-ერთმა ლიდერმა გიორგი ვაშაძემ ტელეკომპანია „პალიტრანიუსის“ გადაცემა „ნიუსრ

„ივანიშვილის ძალადობრივი რეჟიმი, კვლავინდებურად აგრძელებს დანაშაულებრივ ქმედებებს“ - ზაზა ოქუაშვილი განცხადებას ავრცელებს

20 ნოემბერი, 2019 , 11:45

ბიზნესმენი, „ომეგა ჯგუფის“ დამფუძნებელი ზაზა ოქუაშვილი საქართველოში მიმდინარე პროცესებთან დაკავშირებით განცხადებას ავრცელებს. „ივანიშვილის ძალადობრივი რეჟიმი, რომელმაც მიიტაცა სახელმწიფო, მედია, თავისუფ