კონფლიქტის ზონა

ოკუპირებულმა აფხაზეთმა 800 სირიელი ლტოლვილი მიიღო

ოკუპირებული აფხაზეთის დე-ფაქტო პრეზიდენტის, რაულ ხაჯიმბას განცხადებით, აფხაზეთმა 800 სირიელი ლტოლვილი მიიღო. ამის შესახებ ხაჯიმბამ РИА Новости-ს უთხრა.

„პირველ ხანებში იყო 700-800 ადამიანი, რომლებიც ჩვენთან ჩამოვიდნენ. ჩვენ ვცდილობდით, მათი კეთილმოწყობის საკითხი გადაგვეწყვიტა, შესაძლებლობები შეგვექმნა საიმისოდ, რომ როგორმე მათი ადაპტირება მოვახერხოთ ჩვენს პირობებთან“, -განაცხადა ხაჯიმბამ.

მისივე თქმით, აფხაზეთში მყოფი სირიელები სხვადასხვა სფეროში მუშაობენ.

ცნობისთვის, გუშინ ოკუპირებული აფხაზეთის დე-ფაქტო პარლამენტმა „აფხაზეთსა და სირიას შორის მეგობრობისა და თანამშრომლობის შესახებ“ შეთანხმების რატიფიცირება მოახდინა.