უკან

უახლესი ამბები

დღის კალენდარი

ანონსები

არქივი

პოლიტიკა

20 იანვარი, 2017 17:20
font-size

ოლიგარქები ყიდულობენ პოლიტიკოსებს, შემოყავთ პოლიტიკურ არენაზე და გაყავათ პოლიტიკური არენიდან - მიხეილ სააკაშვილი

საქართველოს ყოფილმა პრეზიდენტმა მიხეილ სააკაშვილმა სპორტის სასახლეში მიმდინარე პარტიის ყრილობის წევრებს მიულოცა, რომ „ბიძინა ივანიშვილის გეგმა, რომელიც ნაციონალური მოძრაობის ჯიბეში ჩადებას გულისხმობდა - ჩაიფუშა“.

სააკაშვილის თქმით, ეს ბიძინა ივანიშვილის 2012 წლის შემდეგ,პირველი მარცხია და რა თქმა უნდა, არა უკანასკნელი.

„ჩანაფიქრი, რომ ჩამოვეცილებინეთ პარტიას, რომ პარტია გადაექციათ ლაგამამოდებულ, ყველაფრის გამპრავებელ პარტიად, ვერ განხორციელდა.

ეს ვერ განხროციელდა იმიტომ, რომ ივანიშვილი ვერ მოგერიათ თქვენ, ეს არის მთავარი რამ, რაც მოხდა ბოლო თვეებში. მათ თქვენ ვერ გათქმევინათ უარი პრინციპებზე და თქვენ ვერ დაგაყენათ ღალატის გზაზე. თქვენ ვერ გათქმევინათ უარი იდეალებზე. მან ვერ გატეხა თქვენი ნება.

ივანიშვილი ვერასდროს გაიგებს თავისი და მისი ჯგუფის მიერ მოწყობილი ტვინით, თუ რა არის ნაციონალური მოძრაობა.

ის ვერასოდეს ვერ მიხვდება, მის ტვინამდე ვერასოდეს მივა, თუ რა გვამოძრავებს ჩვენ. რა გვაძლევს ძალას იმისა,რომ არ შევშინდეთ და არ ჩავიქნიოთ ხელი. ოლიგარქებს არ ესმით რა არის ნამდვილი პოლიტიკური პარტია. ისინი ქმნიან პროექტებს, დებენ ფულს, ყიდულობენ პოლიტიკოსებს, აკავშირებენ ადამიანებს პოლიტიკოსებთან,შემოყავთ პოლიტიკურ არენაზე და გაყავათ პოლიტიკური არენიდან პარტიები.

ნაციონალური მოძრაობა არის მთელ პოსტსაბჭოთა სივრცეში და რა თქმა უნდა, საქართველოში უპირობოდ, ერთადერთი, ნამდვილი პოლიტიკური პარტია. ეს არის პარტია, რომელიც შეიქმნა მაშინ, როდესაც დაჩოქებული და განადგურებული საქართველოს სვავებივით ძიძგნიდნენ შევარდნაძეები და მისი „შანტრაპები“, მისი კორუმპირებული ოჯახის წევრები, ფეოდალები და კანონიერი ქურდები. ჩვენ შევიქმენით და ყველა მათგანს ერთდორულად გამოვუცხადეთ ომი. ჩენ გვებრძოდნენ კრიმინალური ავტორიტეტები, ასლან აბაშიძე, რუსეთის აგენტები და ჩვენ არც ქურდებს ვეთამაშებოდით, არც პატარკაციშივილს კალთას ვაფარებდით თავს, როგორც ბევრი, და არც გავრბოდით ასლან აბაშიძესთან, არც ამ ქურდებს ვპირდებოდით „პალაჟენიეს“. ჩვენ ვებრძოდით უკლებლივ ყველა მაშინდელ კლანს, ყველა მაშინდელ სისტემას მიუხედავად იმისა, რომ ბევრს გიჟებად მივაჩნდით, სექტად გვაცხადებდნენ, მაგრამ ჩვენ გვჯეროდა იმისა,რაც არც ფულით იყიდება და არც ტყვიით ჩერდება - ეს იყო ჩვენი პასუხისმგებლობა საქართველოს წინაშე.

ჩვენ ვართ ერთადერთი პარტია საქართველოს ისტორიაში, რომელიც უსისხლოდ მოვიდა ხელისუფლებაში. ჩვენ ვართ ერთადერთი პარტია, რომელმაც მაშინ აიღო პასუხისმგებლობა ქვეყანაზე, როდესაც ყველას ხელი ჰქონდა ჩაქნეული საქართველოზე უშუქობის, უბედურების, კრიმინალის თარეშის პირობებში და ჩვენ ვართ პარტია, რომელმაც ხელისუფლებაში ყოფნის დროს განახორციელა რეფორმები, ლარის კურსის სიმყარეზე, გაზარდა ბიუჯეტი, ამოძირკვა და დაავიწყა ხალხს უშუქობა, უგზოობა, უპენსიობა.

ჩვენ ვართ ის პარტია და ახლა ლევანი მიზის აქ გვერდით, რომელმაც გაანთავისუფლა და საქართველოს აჭარა დაუბრუნა. ეს არის ერთადერთი შემთხვევა, როდესაც პუტინს კონტროლიდან დაუძვრა რომელიმე პოსტსაბჭთა რეგიონი, რომლებზეც ის არის ჩაფრენილი თავის კლანჭებით, ეს არის ერთადერთი შემთხვევა ამ ათწლეულების განმავლობაში. ჩვენ ვართ, ეს იმათ გასაგონად, ვინც იძახის, რომ ნაციონალური მოძრაობა არჩევნებს ემტერება, რომ ჩვენ ვართ ერთადერთ პარტია ათწლეულების განმავლობაში,რომელმაც ჩაუყარა საფუძველი ამ ტრადიციას და ხელისუფლება გადააბარა მშვიდობიანად, ყოველგვარი ექსცესების გარეშე.

მხოლოდ ჩვენმა პარტიამ გაუძლო ამ გამოცდას. ჩვენ ვიყავით ოპოზიცია, გავხდით ხელისუფლება, შემდეგ ისევ გარდავიქმენით ოპოზიციად და ახლა ისევ მზად ვართ დავიბრუნოთ ხელისუფლება და ასეთი რამ საქართველოს პოლიტიკურ ისტორიას და პოსტ საბჭოთა სივრცეს, პოლიტიკურ ისტორიას არ ახსოვს.
ჩვენი პარტია არის ნამდვილად, ყველაფერს რომ გაუძლევს და ყველა განსაცდელიდან გამარჯვებული რომ გამოვა ასეთ პარტიაა და ეს თქვენ გააკეთეთ და ამისათვის თითეულ თქვენგანს დიდი მადლობა.

თქვენ ხართ ნაციონალური მოძრაობის წევრები და თითოეულ თქვენგანს ექნება მოსაყოლი თავისი შვილებისთვის და შვილთაშვილებისთვის ეპიზოდი, რომელიც უკვე ლეგენდად შემორჩა ჩემგან თაობებს. თქვენ გაქვთ უამრავი პირადი ისტორია, თუ როგორ ვიბრძოდით ვარდების რევოლუციის დროს. როგორ შევდიოდით და როგორ ვხვდებოდით ჩვენ თავისუფლებას აჭარაში. უამრავი პირადი მოგონება, რომელიც მართლაც მნიშვნელოვანია. როგორ გადავარჩინეთ 2008 წელს ასიათასიანი ჯარის შემოსევისგან, 200 თვითმფრინავის დაბომბვისგან ჩვენი სახელმწიფო. ეს ხომ ჩვენ გავაკეთეთ! ეს ხომ თქვენი გმირობის და გამბედაობის პირდაპირი შედეგი იყო. საქართველომ შეძლო და შეაჩერა რუსეთი თბილისის კარიბჭესთან. ქართველმა ხალხმა შეძლო და შეინარჩუნა 2008 წელს ქართული სახელმწიფოებრიობა ისე, რომ პრაქტიკულად აღარავინ აღარ დებდა ჩვენზე ფსონს.

თქვენ ხართ ბოლო თაობა, რომელსაც ემახსოვრება ჩაბნელებული და გაყინული საქართველო, რომელშიც ბანდები დათარაშობდნენ, სადაც პურზე იდგა მრავალსაათიანი რიგები. თქვენ გემახსოვრებათ ისეთი სახელები, როგორიც არის „ატმორი“ და სხვა გამათბობელი და სხვა საშუალებები, „ტურბო“- ყველას გვახსოვს ეს, ნავთქურები. „დღეს ჩვენს ქვეყანას არ ჰყავს არც პრეზიდენტი, არც მთავრობა, რომელსაც რამე გადაწყვეტილების მიღება მოეკითხება - ყველაფერი ემსახურება მხოლოდ ერთი გაუნათლებელი, ტლუ, საქართველოს მტრის ხუშტურებს, პირად ახირებებს და ბოღმას, რომელსაც გადააყოლა საქართველოს განვითარება და წინსვლა. ამის პარალელურად, როცა ყველაფერს წყვეტს, მისი პასუხისმგებლობა ქართველი ერის წინაშე არის ნული. ის ხან პოლიტიკოსებს ათამაშებს, გაიყვანს პარტიიდან, შემოიყვანს, გააერთიანებს, ფულს ჩაუდებს და დანარჩენი დრო ზის თავის „ბრონირებულ“ აკვარიუმში და ერთობა ზვიგენებთან და ზებრებთან თამაშით, ხეების გადარგვით და ხანდახან ახალი პოლიტიკური პარტიების შექმნით“,-აღნიშნა სააკაშვილმა.

მონიკა დავლიანიძე

რა არის ამაში გასაკვირი, რომ ვიბრძვით მაქსიმალური შედეგებისთვის? - რომან გოცირიძე

21 სექტემბერი, 2020 , 17:15

“რა არის ამაში გასაკვირი, რომ ვიბრძვით მაქსიმალური შედეგებისთვის? თუ ეს არ იქნა მიღწეული, რა თქმა უნდა, მოგვიწევს კოალიციის შექმნა, აბა, ივანიშვილს ხომ არ დავტოვებთ ხელისუფლებაში?“,    &nb

„ნაციონალური მოძრაობის“ მთავარი კონკურენტი მისი მძიმე წარსულია - არჩილ თალაკვაძე

21 სექტემბერი, 2020 , 17:15

„ნაციონალური მოძრაობის“ მთავარი კონკურენტი მისი მძიმე წარსულია და ამას ვერანაირი ბოდიში ვერ უშველის, – ამის შესახებ საქართველოს პარლამენტის თავმჯდომარემ, არჩილ თალაკვაძემ ჟურნალისტებს განუცხადა. მისი თქ

ერთმანეთისთვის ე.წ. მეგობრული ცეცხლის გახსნით არ დავაზიანოთ საერთო ინტერესები - მიხეილ სააკაშვილი

21 სექტემბერი, 2020 , 16:53

საქართველოს მესამე პრეზიდენტი, უკრაინის რეფორმების საბჭოს აღმასრულებელი კომიტეტის თავმჯდომარე მიხეილ სააკაშვილი ოპოზიციური პარტიებისა და სხვადასხვა პოლიტიკური ჯგუფების წარმომადგენლებს მიმართავს. „მინდა, მივმართო კო

უნდა შეიცვალოს ნაცების მიერ შემუშავებული საარსებო მინიმუმი - ბექა ნაცვლიშვილი

21 სექტემბერი, 2020 , 16:25

შესაძლებელია უფრო მაღალი პენსიების გაცემა, შესაძლებელია მაღალი შემწეობის გაცემა და ერთხელ და სამუდამოდ აუცილებელია მინიმალური ხელფასის დაწესება, რომელიც საარსებო მინიმუმზე მეტი იქნება. ჩვენი და მეცნიერების გათვლით, საარს

პრემიერის აღსარება

21 სექტემბერი, 2020 , 15:30

პრემიერი გიორგი გახარია მაჟორიტარი დეპუტატების წარდგენას აგრძელებს. “ლელოს“ ერთ-ერთი ლიდერი სოფიო შამანიდი კი პრემიერის იმ განცხადებებს ეხმიანება, სადაც ხმამაღლა საუბრობს, რომ მმართველმა გუნდმა რვა წელში ვერ

„ქართული ოცნების“ ხელისუფლების პირობებში, სახელმწიფოს ყურადღების ცენტრში დგას ადამიანი - არჩილ თალაკვაძე

21 სექტემბერი, 2020 , 14:55

„ქართული ოცნება“ უახლეს ისტორიაში ერთადერთი პოლიტიკური ძალაა, რომელმაც ხელისუფლებაში ყოფნის დროს შეცვალა საარჩევნო სისტემა და გაატარა ისეთი დემოკრატიული საკონსტიტუციო რეფორმა, რომლითაც რეალური ძალაუფლება, კონ

პირდაპირი TV

daily calendar

ვიდეო გალერეა

მიძინება ყოვლადწმინდისა ღმრთისმშობელისა მარიამისა. მარიამობა.