სამართალი

ომბუდსმენის აპარატი სააკაშვილის სასამართლო დავებს აკვირდება

სახალხო დამცველი, ნინო ლომჯარია მიხეილ სააკაშვილის გარშემო განვითარებულ მოვლენებს გამოეხმაურა და განაცხადა, რომ, მიუხედავად იმისა, მისი მანდატი სხვა ქვეყნის ტერიტორიაზე არ ვრცელდება, საქართველოს სასამართლო დავებს, სადაც სააკაშვილი ფიგურირებს, ომბუდსმენის აპარატი აკვირდება.

”ჩემი მანდატი არ ვრცელდება სხვა ქვეყნის ტერიტორიაზე, ან სხვა ქვეყნის მოქალაქეობის არმქონე პირებზე. განსაკუთრებით, როდესაც სხვა ქვეყნის ტერიტორიაზე იმყოფებიან. ერთადერთი, სადაც ყოფილი პრეზიდენტი ფიგურირებს, ეს არის ის სასამართლო დავები, სისხლის სამართლის წარმოების საქმეები, რაც მიმდინარეობს დღეს საქართველოში. ჩვენ ამ პროცესებს ყველაფერს ვაკვირდებით. განსაკუთრებით ბოლო გადაწყვეტილებას, რაც დადგა შეწყალების ფაქტთან დაკავშირებით. ამ გადაწყვეტილებას ჩვენ ვსწავლობთ და გვექნება შესაბამისი პოზიციები. მხოლოდ ეს არის ის, რაზეც შემიძლია ვისაუბრო მე, როგორ სახალხო დამცველმა”, - განაცხადა ნინო ლომჯარიამ.

ცირა გურგენიძე