კომენტარი

ომბუდსმენის წარმომადგენელი ელისო კილაძის ვაჟზე - ვიზუალურად შუბლის არეში აღენიშნება მცირე დაზიანება

განმარტა, რომ მისი დაკავება მოხდა არაპროპორციული ძალის გამოყენებით, ადგილი ჰქონდა მის ფიზიკურ და სიტყვიერ შეურაცხყოფას, - განაცხადა სახალხო დამცველის წარმომადგენელმა, ლევან ბეგიაშვილმა ელისო კილაძის დაკავებული შვილის, დავით ხარშილაძის მონახულების შემდეგ.

,,განმარტა, რომ მისი დაკავება მოხდა არაპროპორციული ძალის გამოყენებით, ადგილი ჰქონდა მის ფიზიკურ და სიტყვიერ შეურაცხყოფას. მისი განმარტებით, ადგილი ჰქონდა სხვა პროცესუალური უფლებების დარღვევებს.

ვიზუალურად შუბლის არეში აღენიშნება მცირე დაზიანება, რომელზეც განმარტა, რომ მიიღო დაკავების დროს. ასევე, აქვს სხვა დაზიანებები, რომელიც მისი განმარტებით არ არის დაკავებასთან დაკავშირებული’’, - განაცხადა ომბუდსმენის წარმომადგენელმა.

ნინო ექვთიმიშვილი