უკან

უახლესი ამბები

დღის კალენდარი

ანონსები

არქივი

სამართალი

6 თებერვალი, 2018 10:55
font-size

ომბუდსმენმა მუსტაფა ემრე ჩაბუქის ექსტრადაციის საქმეზე თბილისის საქალაქო სასამართლოს სასამართლო მეგობრის მოსაზრებები წარუდგინა

სახალხო დამცველმა ნინო ლომჯარიამ დემირელის კოლეჯის ყოფილი მენეჯერის, მუსტაფა ემრე ჩაბუქის საქმეზე თბილისის საქალაქო სასამართლოს სასამართლო მეგობრის სტატუსით მიმართა.

ომბუდსმენის მიმარტვაში მითითებულია ის გარემოებები, თუ რატომ არ უნდა დაკმაყოფილდეს პროკურატურის მოთხოვნა ჩაბუქის ექსტრადირების შესახებ.

„პროკურატურამ მიმართა თბილისის საქალაქო სასამართლოს შუამდგომლობით, მოხდეს თურქეთის მოქალაქე მუსტაფა ემრე ჩაბუქის თურქეთის რესპუბლიკაში ექსტრადირება. სამშაბათს ჩანიშნულია საქმის განმხილველი სხდომა. დღეს მე, როგორც სახალხო დამცველმა, მივმართე საქალაქო სასამართლოს სასამართლო მეგობრის მოსაზრებით, სადაც განხილული გვაქვს ის გარემოებები და განმარტებები, თუ რატომ არ უნდა დაკმაყოფილდეს ექსტრადირების მოთხოვნა. ექსტრადირება ეწინააღმდეგება საერთაშორისო სამართლის პრინციპებს. უპირველეს ყოვლისა, ვფიქრობთ, რომ ექსტრადიციის შემთხვევაში დაირღვევა ადამიანის უფლებების ევროპული კონვენცია, ასევე დაირღვევა ევროსასამართლოს მიერ დადგენილი პრაქტიკა, ექსტრადიციის შესახებ ევროპული კონვენცია, სისხლის სამართლის სფეროში საერთაშორისო თანამშრომლობის შესახებ საქართველოს კანონი და სხვა საერთაშორისო და ადგილობრივი აღიარებული პრინციპები. ზემოაღნიშნული აქტებით, დადგენილია რამდენიმე გარემოება, რა შემთხვევაშიც არ შეიძლება პირი დაექვემდებაროს ექსტრადიციას სხვა ქვეყანაში, ხოლო ბატონი ჩაბუქის შემთხვევაში ადგილი აქვს არაერთ, არამედ რამდენიმე ასეთ გარემობას, რაც კიდევ უფრო ამყარებს იმის თქმის საფუძველს, რომ პირი არ უნდა დაექვემდებაროს ექსტრადირებას თურქეთის რესპუბლიკაში”, - განაცხადა ლომჯარიამ გუშინდელ ბრიფინგზე.

ომბუდსმენმა არ გამორიცხა, რომ ჩაბუქის თურქეთში გადაყვანის შემთხვევაში ის, შესაძლოა, გახდეს პოლიტიკური ნიშნით დევნის მსხვერპლი.

„საერთაშორისო ორგანიზაციებისა და ავტორიტეტული არასამთავრობო ორგანიზაციების დასკვნები მიუთითებს, რომ აღნიშნული სახის ბრალდებებით დევნიან პოლიტიკურ აქტივისტებს, რათა მათ წაერთვათ აზრისა და გამოხატვის უფლება. რაც შეეხება მეორე გარემოებას, მაღალი არის რისკი და ალბათობა იმისა, რომ პირი შესაძლოა, არ დაექვემდებაროს მაღალი სტანდარტის სასამართლო განხილვას. თურქეთის რესპუბლიკაში განხორციელებული საკანონმდებლო ცვლილებების შედეგად, თურქეთის რესპუბლიკაში ბრალდებულებს წაერთვათ ადვოკატებთან კონფიდენციალურად კომუნიკაციის უფლება და ისინი ვერ სარგებლობენ მთელი რიგი კონსტიტუციური გარანტიებით. ასევე, მაღალია ალბათობა, პირი დაექვემდებაროს წამებასა და არაადამიანურ მოპყრობას. არაერთი საერთაშორისო ორგანიზაცია მიუთითებს, რომ მაღალია ალბათობა არაადამიანური მოპყრობისა. ხშირ შემთხვევაში წამების მიუხედავად ამ ფაქტების სათანადო გამოძიება ვერ ხდება და მსხვერპლები უკვალოდაც უჩინარდებიან. საქართველოს ხელისუფლებამ მიიღო დიპლომატიური გარანტიები, თუმცა მიგვაჩნია, რომ აღნიშნული დიპლომატიური გარანტიები არ პასუხობს იმ საერთაშორისო სამართლებრივ სტანდარტებს, რაც დადგენილია ექსტრადიციის შემთხვევაში. მთელი რიგი ევროკავშირის წევრი ქვეყნები უარს ეუბნებიან თურქეთის ხელისუფლებას ექსტრადიციის თაობაზე და ადგილობრივი სასამართლოები სათანადო დასაბუთებად არ მიიჩნევენ გაცემულ დიპლომატიურ გარანტიებს. ვფიქრობ, რომ ჩვენი სასამართლოს მიერაც აღნიშნული გარემოებები უნდა იყოს გათვალისწინებული“, - განაცხადა ლომჯარიამ.

თურქეთის მოქალაქე მუსტაფა ემრე ჩაბუქი 24 მაისს დააკავეს თურქეთის მხარის მოთხოვნით, რომელიც ამტკიცებს, რომ ჩაბუქი ტერორისტული ორგანიზაციის საქმიანობაში იყო ჩართული. დაკავებულსა და მის ოჯახს საქართველოს დევნილთა სამინისტრომ ლტოლვილთა სტატუსსზე უარი უთხრა.

დემირელის კოლეჯის ყოფილ მენეჯერს წინსაექსტრადაციო პატიმრობის დრო საქართველოს საპატიმროში 24 თებერვალს უმთავრდება.

ნარკოტიკული ნივთიერების შემცველი მედიკამენტების კანონდარღვევით შემოტანის ფაქტები აღიკვეთა

18 სექტემბერი, 2019 , 15:50

ფინანსთა სამინისტროს შემოსავლების სამსახურის მებაჟე ოფიცრებმა, საბაჟო გამშვებ პუნქტში ,,ქუთაისის აეროპორტი“, ეჭვის საფუძველზე, საქართველოს, სომხეთისა და პოლონეთის მოქალაქეების კუთვნილი ბარგის დათვალიერებისას, ნარკო

„წითელ ხიდზე“ 7 960 ღერი არადეკლარირებული სიგარეტის შემოტანის მცდელობის ფაქტი აღიკვეთა

18 სექტემბერი, 2019 , 15:10

საბაჟო გამშვებ პუნქტში „წითელი ხიდი“, სიგარეტის კანონდარღვევით შემოტანის მცდელობის ფაქტები აღიკვეთა, - ამის შესახებ „მედიანიუსს“ ფინანსთა სამინისტროს შემოსავლების სამსახურიდან აცნობეს. „ფინა

განზრახ მკვლელობის მცდელობისთვის ბრალდებულს 7 წლით თავისუფლების აღკვეთა მიესაჯა

18 სექტემბერი, 2019 , 12:50

ოზურგეთის რაიონულმა სასამართლომ სრულად გაიზიარა პროკურატურის მიერ წარდგენილი მტკიცებულებები და განზრახ მკვლელობის მცდელობისთვის ბრალდებული ი. მ. დამნაშავედ ცნო. გენერალური პროკურატურის ცნობით, სასამართლოში გამოკვლეული მტ

პოლიციამ 133 000 ლარის ქურდობის ბრალდებით თბილისში ერთი პირი დააკავა

18 სექტემბერი, 2019 , 10:25

შინაგან საქმეთა სამინისტროს თბილისის პოლიციის დეპარტამენტის დიდუბე-ჩუღურეთის რაიონული სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, ქურდობის ბრალდებით, 1981 წელს დაბადებუ

პოლიციამ ბათუმში მანქანის და მოპედის ქურდობის მცდელობის ფაქტებზე ორი პირი დააკავა

14 სექტემბერი, 2019 , 11:45

შინაგან საქმეთა სამინისტროს აჭარის პოლიციის დეპარტამენტის ბათუმის საქალაქო სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, 1995 წელს დაბადებული ა.ძ. და 1969 წელს დაბადებული მ.ბ. ქურდობ

გარემოს ზედამხედველობითი დეპარტამენტის თანამშრომელი ქრთამის მიცემის ფაქტზე დააკავეს

14 სექტემბერი, 2019 , 11:45

სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა, გარემოს დაცვისა და სოფლის მეურნეობის სამინისტროსთან თანამშრომლობით, ჩატარებული ოპერატიულ-სამძებრო და საგამოძიებო მოქმედებების შედეგად, მოსამართლ

პირდაპირი TV

daily calendar

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს