უკან

უახლესი ამბები

დღის კალენდარი

ანონსები

არქივი

პოლიტიკა

26 მაისი, 2017 14:40
font-size

ომბუდსმენმა საქართველო–აშშ–ს სტრატეგიული პარტნიორობის ქარტიის ფარგლებში დემოკრატიისა და მმართველობის სამუშაო ჯგუფის შეხვედრაში მიიღო მონაწილეობა

საქართველოს სახალხო დამცველმა უჩა ნანუაშვილმა საქართველო–აშშ–ს სტრატეგიული პარტნიორობის ქარტიის ფარგლებში დემოკრატიისა და მმართველობის სამუშაო ჯგუფის რიგით მე–10 შეხვედრაში მიიღო მონაწილეობა.

საქართველოს სახალხო დამცველის აპარატის ინფორმაციით, შეხვედრას საქართველოს მხრიდან საგარეო საქმეთა მინისტრის პირველი მოადგილე დავით ზალკალიანი და იუსტიციის მინისტრის პირველი მოადგილე ალექსანდრე ბარამიძე ხელმძღვანელობდნენ. ამერიკის შეერთებული შტატების მხრიდან კი თანათავმჯდომარეები იყვნენ ევროპულ და ევრაზიულ საკითხებში სახელმწიფო მდივნის თანაშემწის მოადგილე ბრიჯიტ ბრინმკი, ადამიანის უფლებებისა და შრომის საკითხებში სახელმწიფო მდივნის თანაშემწის მოადგილე სკოტ ბასბი და ევროპისა და ევრაზიის საკითხებში აშშ–ს საერთაშორისო განვითარების სააგენტოს (USAID) ადმინისტრატორის თანაშემწის მოვალეობის შემსრულებელი მარგოტ ელისი.

შეხვედრაზე სახალხო დამცველმა სამართლიანი სასამართლოს უფლებისა და მედიის თავისუფლების საკითხები განიხილა; ხაზგასმით ისაუბრა საკონსტიტუციო რეფორმის ხარვეზებზე, მათ შორის, შრომის უფლებების ეფექტიანი განხორციელების სახელმწიფო ზედამხედველობის ორგანოსა და დამოუკიდებელი საგამოძიებო მექანიზმის შექმნის აუცილებლობაზე, რომლებიც კონსტიტუციის გადასინჯვის პროექტში არ ასახულა; უარყოფითად შეაფასა სახალხო დამცველის საქმიანობის მარეგულირებელ მუხლში დაგეგმილი ცვლილების ის ნაწილი, რომელიც ინსტიტუტის მანდატის შესუსტებას გამოიწვევს.

უჩა ნანუაშვილმა გამოთქვა იმედი, რომ სახელმწიფო საკონსტიტუციო კომისია და საქართველოს პარლამენტი გაითვალისწინებენ მის მოსაზრებებს.

მედიაპლურალიზმის კონტექსტში ტელეკომპანია „რუსთავი 2-სა“ და საზოგადოებრივ მაუწყებელში განვითარებული პროცესების განხილვისას უჩა ნანუაშვილმა აღნიშნა, რომ აუცილებელია გამოირიცხოს ხელისუფლების მხრიდან გამოხატვის თავისუფლების შეზღუდვის საფრთხე.

სახალხო დამცველმა დადებითად შეაფასა სასამართლო სისტემაში საქმის გადანაწილების ელექტრონული სისტემის შემუშავება, რაც მის ერთ–ერთ მნიშვნელოვან რეკომენდაციას წარმოადგენდა. თუმცა, აღნიშნა, რომ მიუხედავად მართლმსაჯულების მესამე ტალღის რეფორმის არაერთი დადებითი ცვლილებისა, მაინც რჩება ხარვეზები, რომლებიც სასამართლოს დამოუკიდებლობას და რეფორმის სწორად წარმართვას უშლის ხელს.

ამერიკულმა მხარემ საქართველოსთან სტრატეგიული პარტნიორობის მნიშვნელობას არაერთხელ გაუსვა ხაზი და აღნიშნა, რომ აშშ კვალავაც გააგრძელებს საქართველოში დემოკრატიული ინსტიტუტების მშენებლობის მხარდაჭერას.

გიორგი გახარია ბრიუსელში მიხაილ ზიბერტს შეხვდა

16 ივნისი, 2021 , 11:51

პოლიტიკური პარტია „საქართველოსთვის“ თავმჯდომარე გიორგი გახარია ბრიუსელში ევროკავშირში აღმოსავლეთ პარტნიორობის, ცენტრალური აზიის რეგიონალური თანამშრომლობის, ეუთო-ს და რუსეთის მიმართულების აღმასრულებელ დირექტორ

საქართველოს პრეზიდენტი დღეს ოფიციალური ვიზიტით ვატიკანს ეწვევა

16 ივნისი, 2021 , 09:16

საქართველოს პრეზიდენტი სალომე ზურაბიშვილი დღეს ოფიციალური ვიზიტით ვატიკანს ეწვევა. ამის შესახებ ინფორმაციას პრეზიდენტის ადმინისტრაცია ავრცელებს. მათივე ინფორმაციით, დაგეგმილია საქართველოს პრეზიდენტის აუდიენცია რომის პაპთ

ჩემთვის გახარია, კობახიძე, მათი ძმანი და დანი ერთი და იგივე არიან, ყველა ეს ადამიანი დამნაშავეა – გიორგი ვაშაძე

15 ივნისი, 2021 , 14:42

ჩემთვის გახარია, კობახიძე, მათი ძმანი და დანი ერთი და იგივე არიან. ყველა ეს ადამიანი დამნაშავეა, რომ საგარეო ვალი არის 33 მილიარდ 400 მილიონი, უმუშევრობა გაზრდილიაასი ათასზე მეტი ბავშვი შიმშილობს, სოციალურად დაუცველი ადა

თბილისის მერობის საერთო კანდიდატად საზოგადოებას ვთავაზობ ჩემ კანდიდატურას განსახილველად - ანა დოლიძე

15 ივნისი, 2021 , 14:19

„მეგობრებო, დიდი ხანია საუბარია მედიაში, ვინ უნდა იყოს თბილისის მერობის საერთო კანდიდატი. ვფიქრობ, ეს უნდა იყოს ადამიანი, რომელიც იქნება ხალხისთვის. საზოგადოებას ვთავაზობ ჩემ კანდიდატურას განსახილველად,“ - წე

გიორგი გახარია ბრიუსელში გაემგზავრა

15 ივნისი, 2021 , 09:19

პოლიტიკური პარტია „საქართველოსთვის“ თავმჯდომარე გიორგი გახარია ბრიუსელში დასავლელ პარტნიორებთან სამუშაო შეხვედრებს გამართავს. გიორგი გახარია და პარტიის პოლიტიკური საბჭოს წევრი კახაბერ ქემოკლიძე ბრიუსელში დღეს

საგარეო საქმეთა სამინისტრო ნატო-ს 2021 წლის ბრიუსელის სამიტის შესახებ განცხადებას ავრცელებს

14 ივნისი, 2021 , 20:50

საგარეო საქმეთა სამინისტრო მიესალმება 14 ივნისს, ბრიუსელში გამართულ ნატო-ს სამიტს, რომელზეც მიღებულ იქნა მნიშვნელოვანი გადაწყვეტილებები, როგორც საქართველოს გაწევრიანების კონტექსტში, ასევე თავად ალიანსის სამომავლო ადაპტაც

პირდაპირი TV

daily calendar

ვიდეო გალერეა

წითელი პარასკევი - დიდი პარასკევი