უახლესი ამბები
არქივი
სამართალი
`ომეგა 2`- ის დირექტორმა თბილისის პროკურატურაში გამოკითხვაზე უარი თქვა
„ომეგა ჯგუფში" შემავალი ერთი-ერთი კომპანიის "ომეგა 2"- ის დირექტორმა გიორგი ქურდაძემ თბილისის პროკურატურაში გამოკითხვაზე უარი თქვა.
უწყებაში ის ადვოკატთან, გიორგი ფანცულაიასთან ერთად გამოცხადდაა, თუმცა აღნიშნა, რომ სურს სასამართლოში დაიკითხოს.
"ვისარგებლე კანონით მონიჭებული უფლებით და განვაცხადე, რომ მსურდა დაკითხული ვყოფილიყავი სასამართლოში მოსამართლის თანდასწრებით. დაფიქსირდა ეს ოქმები. ეს ჩემი უფლებაა და გამოვიყენე. მე ყველაფერს ვიტყვი, არ დავმალავ და ვითანამშრომლებ. მალე მოხდება სასამართლოში ჩემი დაკითხვა და მერე ყველაფერს ვიტყვი. ნამდვილად მნიშვნელოვანი ინფორმაციაა და ნამდვილად დაეხმარება გამოძიებას ",- განაცხადა ქურდაძემ.
,,ომეგა 2"-ის დირექტორმა კომპანიებში შექმნილ ვითარებაზეც გაამახვილა ყურადღება და აღნიშნა, რომ ფაბრიკის მუშაობა შეჩერებულია.
,,დღესდღეობით ფაბრიკა არის გაჩერებული. არ მუშაობს უკვე მესამე თვეა. ძალიან მძიმე მდგომარეობაა. ჩვენ გვქონდა ძალიან ბევრი შეხვედრა მენეჯმენტს, დამფუძნებლებსაც პრემიერ-მინისტრთან, ფინანსთა მინისტრთან და ყველა იმ პირთან, ვისაც შეიძლება ამ საქმესთან რაიმენაირად შეხება ჰქონდეს. ჩვენი მოთხოვნა არის, რომ ამუშავდეს ეს საწარმო", - განაცხადა გოორგი ქურდაძემ.
დღესვე დაკითხვაზე დაბარებულია „ომეგა ჯგუფში“ შემავალი კიდევ ორი კომპანიის წარმომადგენელი.