მოზაიკა
,,ომეგა მოტორსმა’’ MINI-ს ტესტ დრაივი მოაწყო
BMW-სა და MINI-ს ოფიციალური იმპორტიორმა საქართველოში, „ომეგა მოტორსმა“ MINI-ს გულშემატკივრებისთვის სანაყინე „მორელისში“ ტესტ დრაივი მოაწყო.
როგორც ,,ომეგა მოტორსის’’ მარკეტინგის მენეჯერმა, ეკა იჩკიტიძემ განაცხადა, „ომეგა მოტორსის“ პროფესიონალთა გუნდი მზად არის ყველა მსურველს დეტალურად გააცნოს ახალი MINI Clubman-ის მახასიათებლები.
,,დღეს ,,ომეგა მოტორსი’’ ტრადიციულად MINI-სთვის ჩვეულ მეგობრულ გარემოში მართავს შეხვედრას და ჩვენი მასპინძელი გახლავთ კაფე-სანაყინე ,,მორელის ჯელატო.’’
დღევანდელი შეხვედრა გამოირჩევა თავისი განსაკუთრებულობით, რომლის სლოგანია „მართე და დარწმუნდი“.
ავტომოყვარულებს საშუალება მიეცათ გამოეცადათ MINI-ს უპირატესობა ქალაქის ქუჩებში მოძრაობისას და თავად დარწმუნებულიყვნენ გერმანული ტექნოლოგიისა და ბრიტანული დიზაინის განსაკუთრებულობაში’’, - განაცხადა ეკა იჩკიტიძემ.
MINI-ს ტესტ დრაივში მონაწილეობის მსურველებს სანაყინე ,,მორელისში’’ დახვდათ სასიამოვნო გარემო და გემრიელი ა-ლა ფურშეტი.
,,დღეს კაფე-სანაყინე მორელის ჯელატომ უმასპინძლა კომპანია ,,ომეგა მოტორს,’’ რომელმაც გამართა მორიგი შეხვედრა MINI-ს ავტომოყვარულთათვის სლოგანით - „მართე და დარწმუნდი“.
კაფე-სანაყინე ,,მორელის ჯელატო,’’ გახლავთ ადგილი სადაც საუკეთესო იტალიური ნაყინსა და სხვა განსაკუთრებულ პროდუქციას ვთავაზობთ მომხმარებელს’’, - განაცხადა კაფე-სანაყინე ,,მორელის ჯელატოს’’ პროექტის მენეჯერმა, დიმიტრი მოდრეკელიძემ.