უკან
უახლესი ამბები
არქივი
კომენტარი
16 თებერვალი, 2017 15:20
ომის დროს მამაოებმა გამოიტანეს გვამები, რაც ხელისუფლებამ ვერ მოახერხა - თემურ ჭკუასელი
საპარლამენტო უმრავლესობის წევრის, თემურ ჭკუასელის განცხადებით, ძალიან ბევრი მომენტია საქართველოს ისტორიაში გასახსენებელი, როცა ეკლესია ხელისუფლებაზე მეტ საქმეს აკეთებდა.
დეპუტატმა აგვისტოს ომის მოვლენებიც გაიხსენა და აღნიშნა, რომ ეკლესიას დაფინანსება სჭირდება.
„ომის დროს, მამაოებმა გამოიტანეს გვამები, რაც მაშინდელმა ხელისუფლებამ ვერ მოახერხა ან არ მოახერხა, ეს მხოლოდ ერთი შემთხვევა არ არის სასულიერო პირების გმირობის მაგალითებისა. ეკლესიის როლი საქართველოს ისტორიაში ყოველთვის მნიშვნელოვანი იყო, ამიტომ ეკლესიას ცხადია, სჭირდება დაფინანსებაც, თუმცა ეს ყველაფერი ერთეულების ხელის მოსათბობად არ უნდა იყოს მიმართული“, – განაცხადა თემურ ჭკუასელმა.
ნინო ექვთიმიშვილი