პოლიტიკა

ოპოზიცია არ ნიშნავს ყველაფრის კრიტიკას - ილია მეორე

აღსაყდრების 40 წლის იუბილესადმი მიძღვნილ ვახშამზე საქართველოს კათოლიკოს-პატრიარქმა ილია მეორემ სიტყვით მიმართა იქ მყოფ ოპოზიციისა და ხელისუფლების წარმომადგენლებს. ილია მეორის მტკიცებით, ოპოზიციის ფუნქციაა, დაეხმაროს მთავრობას და შეახსენოს ის საქმეები, რისი გაკეთება მას გამორჩა.

„ჩემი გაგებით, ოპოზიცია არ ნიშნავს იმას, რომ ყველაფერი უნდა აკრიტიკოს, მთავრობის დადგენილება, განჩინება. ოპოზიცია უნდა დაეხმაროს ხელისუფლებას და რაც გამორჩა კეთილი, სასარგებლო ერისათვის, ქვეყნისათვის, იმის შეხსენებას უნდა ეცადოს ოპოზიცია. პატივისცემა მთავრობისა და მთავრობას უნდა ჰქონდეს პატივისცემა ოპოზიციისა. მე გთხოვთ, როგორც თქვენი მოძღვარი, ვაკეთოთ ყველამ სასარგებლოდ ჩვენი ქვეყნისათვის, ჩვენი ეკლესიისათვის. იდგეს ხალხის საკეთილდღეოდ, ყველაფერი უნდა გააკეთოს იმისათვის, რომ ერთსულოვნება სუფევდეს. ღმერთმა დალოცოს ხელისუფლება, პარლამენტი და ოპოზიცია. ღმერთმა დალოცოს სრულიად საქართველო“, -მიმართა პატრიარქმა ოპოზიციასა და ხელისუფლებას.

ანა მებურიშვილი