კომენტარი
ოპოზიცია მალავს თავის შემოსავლებს და ხარჯებს - ირაკლი კობახიძე
საქართველოს პარლამენტის თავმჯდომარის, ირაკლი კობახიძის განცხადებით, ოპოზიცია შემოსავლებს და ხარჯებს მალავს.
აღნიშნული განცხადებით, ირაკლი კობახიძე გამოეხმაურა აუდიტის სამსახურის მიერ გავრცელებულ ინფორმაციას იმის შესახებ, რომ მმართველ გუნდს საარჩევნოდ ყველაზე მეტი შემოწირულობა აქვს.
”სამწუხარო რეალობა ის არის, რომ ოპოზიციური პარტიები და ასევე დამოუკიდებელი კანდიდატები არ ახდენენ საკუთარი შემოსავლების და ხარჯების დეკლარირებას და სწორედ ეს არის დიდი სხვაობის მიზეზი. ”ქართული ოცნება” ახდენს თავისი ხარჯების და შემოსავლების დეკლარირებას, ეს არის ასახული შესაბამის დეკლარაციებში, რომელიც წარედგინება აუდიტის სამსახურს, განსხვავებით ოპოზიციისგან, რომელიც სამწუხაროდ, მალავს თავის შემოსავლებს და ხარჯებს. ეს არის სამწუხარო რეალობა”, - განაცხადა ირაკლი კობახიძემ.
ნინო ექვთიმიშვილი