უახლესი ამბები
- 19.03.2024 12:51„კართაგენი უნდა დაინგრეს“, „ნაციონალური მოძრაობა“ კი უნდა გასამართლდეს და გასამართლდება კიდეც - სოზარ სუბარი
- 19.03.2024 12:18ირაკლი კობახიძე UFC-ის ჩემპიონს, ილია თოფურიას შეხვდა
- 19.03.2024 12:04ირაკლი ჩიქოვანი დანიის სამეფოს ელჩსა და თავდაცვის ატაშეს შეხვდა
- 19.03.2024 10:50ოქროს კონტრაბანდის ფაქტზე ორი პირი დააკავეს
არქივი
საზოგადოება
ოპოზიციას მიწათსარგებლობის გენერალურ გეგმასთან დაკავშირებით კითხვები და შენიშვნები არ აქვს - ბექა დავითულიანი
თბილისის საკრებულოში მიმდინარე ურბანული დაგეგმარებისა და საქალაქო მეურნეობის კომისიის სხდომაზე, რომელზეც დედაქალაქის მიწათსარგებლობის გენერალური გეგმის პროექტს განიხილავენ, ფრაქცია „ქართული ოცნება-დემოკრატიული საქართველოს“ თავმჯდომარემ ბექა დავითულიანმა ოპოზიციის განცხადებას უპასუხა.
მისი თქმით, ოპოზიციის დღევანდელი განცხადებები ნიშნავს იმას, რომ მათ თავად გენერალურ გეგმასთან დაკავშირებით კითხვები და შენიშვნები არ აქვთ.
„გილოცავთ კოლეგებო, როგორც ჩანს იმდენად კარგი დოკუმენტი დაგვიმუშავებია, რომ ოპოზიციას შენიშვნა არ აქვს. შესაბამისად, დროა გადავიდეთ შემდეგ ეტაპზე და მივიღოთ გადაწყვეტილება. ქალაქის სწორად განაშენიანების თვალსაზრისით დღეს ძალიან მნიშვნელოვან გადაწყვეტილებას ვიღებთ“ - განაცხადა ბექა დავითულიანმა.
ფრაქცია „ქართული ოცნება-დემოკრატიული საქართველოს“ თავმჯდომარის თქმით, ეს არის ბოლო ეტაპი, რომლითაც გენერალური გეგმაზე მუშაობა სრულდება და მას საკრებულო უახლოეს მომავალში მიიღებს.