პოლიტიკა
ოპოზიციურმა პარტიებმა პროპორციულ სისტემაზე გადასვლის მოთხოვნისთვის პარლამენტში ხელმოწერები წარადგინეს
20-მა ოპოზიციურმა პარტიამ პროპორციულ სისტემაზე გადასვლის მოთხოვნისთვის პარლამენტში 300 000 ხელმოწერა წარადგინა. ოპოზიცია საარჩევნო სისტემის შეცვლას 2020 წლიდან ითხოვს. მათი თქმით, ისინი აპირებენ, რომ ყველა კანონიერი გზა გამოიყენონ, რომ „ქართული ოცნება“ საარჩევნო სისტემის ცვლილების გადაწყვეტილებამდე მიიყვანონ.
როგორც „ახალი მემარჯვენეების“ წევრი, მამუკა კაციტაძე აღნიშნავს, ხელისუფლება იძულებული იქნება, გაიზიაროს პოლიტიკური სპექტრის და სამოქალაქო საზოგადოების ნება 2020 წელს სამართლიანი არჩევნების ჩატარებასთან დაკავშირებით.
15 თებერვალს პარლამენტის საპროცედურო კომიტეტმა არასაპარლამენტო ოპოზიციის მოთხოვნა დააკმაყოფილა.
დარეგისტრირდა საინიციატივო ჯგუფი, რომლის მეშვეობითაც საკონსტიტუციო ცვლილება უნდა განხორციელდეს. ოპოზიციას მაჟორიტარული წესის გაუქმება 2020 წლიდან უნდა. მათ არანაკლებ 200 ათასი მხარდამჭერის ხელმოწერა 4 თვის ვადაში უნდა შეეგროვებინათ.