საზოგადოება

ოთარ აბესაძე- ალექსანდრე ელისაშვილს: არ მოგბეზრდა ეს კლოუნადა და მასკარადი?

თბილისის მერიის წარმომადგენელი საკრებულოში ოთარ აბესაძე, საკრებულოს დამოუკიდებელ დეპუტატს ალექსანდრე ელისაშვილის პასუხობს.

ელისაშვილის თქმით, „თბილისის მერი იმხელა კაბინეტით სარგებლობს, რომ გადასაადგილებლად კომპასია საჭირო".

ოთარ აბესაძემ Facebook-ის პირად გვერდზე დავით ნარმანიას კაბინეტის ამსახველი ფოტო დადო და ელისაშვილს მიმართა.

„ალეკო, ეს არის თბილისის მერის სამუშაო ოთახი (კაბინეტი). სიგრძე-8.60 მეტრი; სიგანე - 5. 45 მეტრი; საშუალოდ 50 კვადრატული მეტრი. სასამართლომ უკვე დაგაკისრა ტყუილისა და ცილისწამებისათვის საჯაროდ ბოდიშის მოხდა და ფულადი ჯარიმა. თბილისის მერის ოჯახის წევრზე ცილისწამებისთვის შენს გამო ტელეკომპანია რუსთავი 2- მა საჯაროდ ბოდიში მოუხადა მერს. არ მოგბეზრდა ეს კლოუნადა და მასკარადი? ამ „კაბინეტში", 50 კვადრატულ მეტრში შენ თუ კომპასი გჭირდება წარმომიდგენია თბილისის მასშტაბებს როგორ ითვლი", - დაწერა აბესაძემ.

მონიკა დავლიანიძე