უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
- 19.04.2024 15:1420-22 აპრილს საქართველოს ზოგიერთ რაიონში სითბოს ფონზე ხანმოკლე წვიმაა მოსალოდნელი
არქივი
პოლიტიკა
ოთარ აბესაძის წინასასამართლო სხდომა დაიხურა
ქრთამის აღების ბრალდებით დაკავებული მერიის ყოფილი თანმშრომლის ოთარ აბესაძის წინასასამართლო სხდომა დაიხურა. შუამდგომლობა დაცვის მხარემ დააყენა. აბესაძის ადვოკატის, ლილი გელაშვილის განმარტებით, ამის საჭიროება იმიტომ დადგა, რომ სხდომაზე წარმოდგენილი იქნება პირადი მონაცემების შემცველი მასალები.
„ვითხოვთ წინასასამართლო სხდომის დახურვას პერსონალური მონაცემების დაცვის მიზნით“, - განაცხადა ლილი გელაშვილმა.
დაცვის მხარის მოთხოვნას პროკურატურაც დაეთანხმა, რის შემდეგაც მოსამართლე ნინო სანდოძემ სხდომა დახურა.
დღევანდელ წინასასამართლო პროცესზე დაცვის მხარე აბესაძის გირაოს სანაცვლოდ გათავისუფლების შუამდგომლობით გამოვა.
31 აგვისტოს მოსამართლემ არ დააკმაყოფილა დაცვის მხარის შუამდგომლობა აღკვეთი ღონისძიების შეცვლის შესახებ და აბესაძე პატიმრობაში დატოვა. ირმა ჭკადუამ მოითხოვა, რომ პატიმრობა 50 000-ლარიანი გირაოს შეფარდებით ყოფილიყო შეცვლილი.
შეგახსენებთ, ანტიკორუფციულმა სააგენტომ ოთარ აბესაძე 12 ივლისს დააკავა. მას ბრალად ედება ქრთამის სახით 3000 დოლარის აღება მდინარე მტკვარზე, ტივზე არსებული კაფისა და შესაბამისი ინფრასტრუქტურის მოწყობისათვის საჭირო ნებართვების გაცემის პროცედურის დასაჩქარებლად.
გამოძიება ქრთამის აღების ფაქტზე, საქართველოს სსკ-ის 338-ე მუხლის პირველი ნაწილით გათვალისწინებული დანაშაულის ნიშნებით მიმდინარეობს, რაც სასჯელის სახით ექვსიდან ცხრა წლამდე თავისუფლების აღკვეთას ითვალისწინებს.
ანა მებურიშვილი