უკან
უახლესი ამბები
არქივი
რეგიონები
14 აპრილი, 2018 15:45
ოზურგეთში ლიბერთი ბანკის მოლარე პენსიის გაცემის დროს დააყაჩაღეს, პენსიონრები კი სცემეს
გურიაში, ოზურგეთში ლიბერთი ბანკის ერთ-ერთ ფილიალში მოლარე იმ დროს დააყაჩაღეს, როდესაც პენსიას არიგებდა. შემთხვევა დღეს დილით მოხდა.
არსებული ინფორმაციით, რამდენიმე ნიღბიანი პირი სოფლის ცენტრში განთავსებულ მომსახურების ცენტრში შეიჭრა. პენსიის გაცემა ამ დროს უკვე დაწყებული იყო.
თავდამსხმელებმა პენსიის რიგში მყოფ რამდენიმე მოხუცს სიტყვიერი და ფიზიკური შეურაცხყოფა მიაყენეს, ერთ-ერთ მათგანს ავტომანქანა წაართვეს და შემთხვევის ადგილი თანხასთან ერთად დატოვეს.
ავტომანქანა, რომლითაც სავარაუდო დამნაშავეები გაექცნენ, მოგვიანებით შემოქმედის ტყეში იპოვეს.
ექსპერტ-კრიმინალისტები სოფელ გორისფერდში მდებარე ტყეში მუშაობენ, სადაც, სავარაუდოდ, დამნაშავეები იმალებიან.