პოლიტიკა

პაატა ბურჭულაძემ „გირჩისთვის” ადგილების მიყიდვით შეეცადა ორჯერ ენახა ფინანსური მოგება - ხათუნა ლაგაზიძე

მოძრაობა „სახელმწიფო ხალხისთვის“ ყოფილი წევრის ხათუნა ლაგაზიძის განცხადებით, პაატა ბურჭულაძესთვის პოლიტიკა ბიზნეს-პროექტი აღმოჩნდა.

ამის შესახებ ლაგაზიძემ „ტვ პირველის“ ეთერში „გირჩის“ მიერ პაატა ბურჭულაძის ბლოკის დატოვების თემის კომენტირებისას განაცხადა.

„პაატა ბურჭულაძისთვის ეს აღმოჩნდა ბიზნეს-პროექტი, ანუ პოლიტიკაში შემოსვლა, საიდანაც მას პირადი სარგებელი უნდა მიეღო. „გირჩის“ წარმომადგენლებმა გუშინ დაადასტურეს ის მთავარი, რასაც მე ხაზს ვუსვამდი, რომ პაატა ბურჭულაძემ საკუთარი პარტია, საკუთარი ლიდერები, საკუთარი გუნდი და რაც მთავარია, საკუთარი ამომრჩეველი გაყიდა. და ეს დაადასტურეს „გირჩის“ ლიდერებმა. სამწუხაროდ პაატა ბურჭულაძე შეეცადა, რომ ორჯერ ენახა ფინანსური მოგება. საუბარია, სიაში ადგილებზე. როდესაც „გირჩი“ შემოეურთდა გუნდს, პაატა ბურჭულაძემ პარტიის სიაში ადგილები მათ გარკვეული ფინანსების ფასად გამოუნთავისუფლა და გუშინ საპარლამენტო სიაში ადგილების მიყიდვას „გირჩზე“ მეორედ შეეცადა“,-განაცხადა ლაგაზიძემ.

მისი თქმით, „მოძრაობა ხალხისთვის“ ბლოკის ჩამოყალიბებამდე კონკრეტულ მილიონებზე იყო საუბარი.

“კონკრეტულ მილიონებზ იყო საუბარი და ეს ყველამ იცის. ინფორმაცია აქვს მერაბ ტყეშელაშვილს, რომელიც გარიგებებში უშუალოდ მონაწილეობდა . სუბარი იყო 4,5 მილიონ ლარზე, რომელიც ვალად ედო პაატა ბურჭულაძეს, თავისი გამფლანგველი ხასიათის გამო. ჰკითხეთ „გირჩს“ ის დაადასტურებს. სამჯერ გადაახდევინეს ერთი და იგივე თანხა, ვერ ამოპირეს პაატა ბურჭულაძე და მისი გუნდი ფულით“,-განაცხადა ლაგაზიძემ.

მონიკა დავლიანიძე