მსოფლიო
პაკისტანში პოლიციის აკადემიაში მომხდარ ტერაქტს 59 ადამიანი ესმხვერპლა
პაკისტანის ქალაქ კვეტაში პოლიციის აკადემიაზე ისლამისტების თავდასხმას მსხვერპლი მოყვა.
როგორც ბიბისი იუწყება, ადგილობრივმა ხელისუფლებამ უკვე დაადასტურა 59 ადამიანის დაღუპვა. დაშავებულთა რაოდენობა 100-ს აღწევს.
სამართალდამცველების ინფორმაციით, სასწავლებელში სამი შეიარაღებული ტერორისტი შეიჭრა, მათ სხეულზე შაჰიდის ქამრები ჰქონდათ დამონტაჟებული. ისინი უმისამართოდ ისროდნენ, მოგვიანებით კი, სულ მცირე ორი აფეთქების ხმაც გაისმა.
თავის აფეთქება ორმა თვითმკვლელმა ტერორისტმა მოასწრო, მესამის ლიკვიდირება კი, სამართალდამცველებმა იქამდე მოასწრეს, ვიდრე ის თავს აიფეთქებდა.
თავდასხმის დროს აკადემიის ტერიტორიაზე 500-მდე სტუდენტი იმყოფებოდა.
სპეცოპერაცია ტერორისტების წინააღმდეგ რამდენიმე საათს გაგრძელდა.
ტერაქტზე პასუხისმგებლობა ტერორისტულმა დაჯგუფება ,,ისლამურმა სახელმწიფომ’’ აიღო.
ნინო ექვთიმიშვილი