უკან

უახლესი ამბები

დღის კალენდარი

ანონსები

არქივი

რეგიონები

4 იანვარი, 2018 11:00
font-size

პანკისის უხუცესებზე გარკვეული ზეწოლა მიდის - კახეტის გუბერნატორი

კახეთის გუბერნატორის , ირაკლი ქადაგიშვილის ინფორმაციით, პანკისის ხეობის უხუცესთა საბჭოზე ზეწოლა მიმდინარეობს. ამის შესახებ მან გადაცემა „360 გრადუსში“ განაცხადა. მას არ დაუკონკრეტებია, ვინ ახდენს ადგილობრივებზე ზეწოლას.

„უხუცესებზე მიდის გარკვეული ზეწოლა. ეს ხდება საინფორმაციო წყაროებიდან დაწყებული ყველა წყაროთი დამთავრებული. ამ ადამიანებს ჯვარედინი დაკითხვების ქვეშ აქცევენ, რომ რამე წამოაცდევინონ. ნუ გვგონია, რომ მარტივად არის სიტუაცია. სიტუაცია რთულია და ამ ხალხმა დაინახა, რომ სირთულესთან ერთობლივად დგომაა საჭირო. აქ საუბარია ახალგაზრდების მოტაცებაზე ტერორისტებისგან, ასე ვითარდება ტერორიზმი“, -თქვა კახეთის გუბერნატორმა.

ქადაგიშვილმა ის თემები ჩამოთვალა, რომლებზეც საუბრობდა პანკისის ხეობის მოსახლეობასთან გუშინდელ შეხვედრაზე.

„შეხვედრაზე ძირითადად ვისაუბრეთ იმ მთავარ პრობლემასა და გზავნილზე, რომ მთავარია, შენარჩუნდეს მშვიდობა და ერთობა ხეობასა და მთლიანად ქვეყანაში. იმაზე, რომ გამოძიებამ უნდა განაგრძოს მუშაობა და ყველა კითხვაზე პასუხი გასცეს, არავინ დავობს. მთავარი აქცენტი, რაზეც ვისაუბრეთ, არის ის, რომ არსებობს ისეთი საფრთხეები, მათ შორის ტერორისტული საფრთხეები, რომლებიც თანაბრად პრობლემურია ჩვენი ქვეყნის საზოგადოების ყველა წევრისთვის და განსხვავება ქისტს, ქართველსა თუ სხვებს შორის, არ უნდა იყოს. ჩვენი ერთად ყოფნა და გააზრებული ქმედებები ყველაზე აუცილებელია ამ საფრთხესთან გასამკლავებლად და ასევე იმისთვის, რომ ეს სიტუაცია ვინმემ არ გამოიყენოს სიტუაციის დაძაბვისთვის“, - თქვა ქადაგიშვილმა.

კახეთის გუბერნატორის ინფორმაციით, სუს-მა პანკისის ხეობის მოსახლეობასთან შეხვედრისას გარკვეული მასალა აჩვენა, სადაც ჩანს კავშირი პანკისის ხეობაში ჩატარებული სპეცოპერაციის დროს დაკავებულებსა და გაბრიელ სალოსის გამზირზე დაკავებულ და ლიკვიდირებულ პირთა შორის.

”ეს შეხვედრა რამდენიმე დღით ადრე შედგა. გამოძიებამ და უშიშროების სამსახურმა ჩათვალა საჭიროდ, გამომდინარე საკითხის აქტუალობიდან და პანკისის ხეობის სენსიტიურობიდან, ასევე იმისთვის, რომ ადამიანებში არ გაღვივებულიყო ისეთი დამოკიდებულება, თითქოს მთავრობამ ან უშიშროებამ ჩაატარა რაღაც მიზანმიმართული ოპერაცია მაინც და მაინც პანკისელების ან ქისტების წინააღმდეგ. ამ ადამიანებს რამდენიმე მასალა აჩვენეს, საიდანაც ჩანს, რომ იმ ადამიანებს, რომლების წინააღმდეგაც სპეცოპერაცია ჩატარდა, ჰქონდათ კავშირი იმ ხალხთან, ვინც დააპატიმრეს და ლიკვიდირებული არიან გაბრიელ სალოსის გამზირზე მომხდარი სპეცოპერაციის დროს. ანუ ეს არის რეალური საფრთხე, რომელიც ჩვენ ყველას გვემუქრება. იქ ჩვენ ყველამ, მათ შორის უხუცესებმა, დავინახეთ, რომ ამ ადამიანებს აქვთ კავშირი ამ ხალხთან. დანარჩენი, რა სახის არის კავშირი, რამდენად ღრმაა, სადამდე მიდის, ვის რა ფუნქცია ჰქონდა, ამას გამოძიება იტყვის. ჩვენ მცირედი მასალა გვანახეს ალბათ და ამ მცირედი მასალით გვითხრეს, რომ ეს არ იყო ოპერაცია, რომელიც ჰაერზე ჩატარდა. ეს სპეცოპერაცია გამომდინარეობდა იმ საფრთხიდან, რა საფრთხეც აღიკვეთა თბილისში და ასევე იმ საფრთხიდან, რაც ზოგადად არსებობდა. სპეცსამსახურის წარმომადგენლებმა განმარტეს, რომ არავის არ უნდოდა იმ ადამიანის ლიკვიდაცია, პირიქით, გამოძიება დაინტერესებულია, რომ ყველა მაქსიმალურად ჯანმრთელად აეყვანათ, რათა მათგან კიდევ უფრო მეტი ინფორმაცია მიეღოთ როგორც ტერორისტულ აქტებთან დაკავშირებით, ასევე სხვა საკითხებზე“, - განაცხადა გუბერნატორმა

კახეტის გუბერნატორის შეხვედრა უხუცესთა საბჭოს წევრებთან და პანკისის მოსახლეობასთან გუშინ, სოფელ დუისის საზოგადოებრივ ცენტრში შედგა. ის დახურული იყო მედიისთვის.

სახელმწიფო უსაფრთხოების სამსახურმა თბილისსა და პანკისის ხეობის სოფლებში, ომალოსა და დუისში სპეცოპერაცია 26 დეკემბერს ჩაატარა. სუს-ის ინფორმაციით, დაკავებულია საქართველოს ხუთი მოქალაქე, რომლებიც აჰმედ ჩატაევს საქართველოს საზღვარზე გადმოსვლაში დაეხმარნენ.

სუსის ცნობით, დაკავებული პირები 21-22 ნოემბრის სპეცოპერაციის დროს მოკლულ ჯგუფთან ერთად, საქართველოსა და თურქეთში ტერაქტებს გეგმავდნენ. ასევე იგეგმებოდა თავდასხმები საქართველოში მომუშავე დიპლომატიურ კორპუსებზე.

დაკავებულთა შორის არის თემირლან მაჩალიკაშვილიც. სუს-ის ინფორმაციით, პოლიცია იძულებული გახდა, პროპორციული ძალა გამოეყენებინა, ვინაიდან თემირლან მაჩალიკაშვილმა წინააღმდეგობის გაწევა და ხელყუმბარის მოქმედებაში მოყვანა სცადა. მისი მდგომარეობა ამ დროისთვის კრიტიკულად მძიმეა.

რიკოთის საუღელტეხილო გზის მოდერნიზება არის უმსხვილესი ინფრასტრუქტურული პროექტი, რომლის განხორციელება არც ერთი დღით არ შეჩერებულა - გიორგი გახარია

22 მაისი, 2020 , 19:36

რიკოთის საუღელტეხილო გზის მოდერნიზების პროექტის ფარგლებში, ხევი-უბისას მონაკვეთზე, სოფელ ხევთან, დღეს პირველი, 180-მეტრიანი გვირაბი გაიჭრა, - სამუშაო პროცესს საქართველოს პრემიერ-მინისტრი გიორგი გახარია ვიცე-პრემიერთან, რ

აგროდიზელის პროგრამით 5 000-ზე მეტმა ფერმერმა ისარგებლა - ლევან დავითაშვილი

22 მაისი, 2020 , 17:40

გარემოს დაცვისა და სოფლის მეურნეობის მინისტრის, ლევან დავითაშვილის განცხადებით, 20 მაისიდან, მთელი საქართველოს მასშტაბით, წარმატებით ხორციელდება ანტიკრიზისული გეგმის ფარგლებში შემუშავებული აგროდიზელის პროგრამა. ფერმერები

“გორის მუნიციპალიტეტს ეკონომიკური კრიზისი და ქამრების შემოჭერის პოლიტიკა არ შეხებია”

22 მაისი, 2020 , 17:19

„თავისუფალი საქართველოს“ ერთ-ერთი ლიდერი შოთა მაქაცარია გორის მუნიციპალიტეტის მერიის მიერ განხორციელებულ სატენდერო შესყიდვას ეხმაურება და აცხადებს, რომ გორის მუნიციპალიტეტის მერია 800 000 ლარს გასართობ ატრაქც

წყალტუბოს ცენტრალურ პარკში ოტია იოსელიანის ბიუსტი დაიდგმება

20 მაისი, 2020 , 14:51

წყალტუბოს მუნიციპალიტეტის მერის გრიგოლ იოსელიანის ინიციატივით, წყალტუბოს ცენტრალურ პარკში მწერლ ოტია იოსელიანის ბიუსტი დაიდგმება. ბიუსტის ესკიზებიდან ერთის შერჩევა შესაბამისი კომისიის ერთობლივი გადაწყვეტილების შემდეგ გახ

ასეთ ამინდში, ასეთ სეზონზე ცარიელი კახეთი მძიმე საყურებელია - გიორგი გახარია

19 მაისი, 2020 , 14:40

ასეთ ამინდში, ასეთ სეზონზე, ასეთი მომზადებული და ცარიელი კახეთი მძიმე საყურებელია, - ამის შესახებ საქართველოს პრემიერ-მინისტრმა კახეთში ტურისტული სექტორის წარმომადგენლებთან შეხვედრისას განაცხადა. როგორც გიორგი გახარიამ ა

ბოლნისის რამდენიმე სოფელში მკაცრი საკარანტინო შეზღუდვები მოიხსნა

19 მაისი, 2020 , 10:30

უწყებათაშორისი საკოორდინაციო საბჭოს გადაწყვეტილებით, ეპიდემიოლოგიური ვითარების ანალიზის საფუძველზე, დღეიდან, 19 მაისიდან, ბოლნისის მუნიციპალიტეტის რამდენიმე სოფელში მკაცრი საკარანტინო შეზღუდვები იხსნება. ამის შესახებ ინფ