უკან
პოლიტიკა
26 დეკემბერი, 2018 11:35
პანკისში ჩატარებული სპეცოპერაციიდან 1 წლისთავთან დაკავშირებით დღეს ორი აქცია გაიმართება
პანკისში, სოფელ დუისში ჩატარებული სპეცოპერაციიდან, რომლის დროს თემირლან მაჩალიკაშვილს სასიკვდილო ჭრილობა მიაყენეს, 1 წელი გავიდა. ამასთან დაკავშირებით დღეს ორი აქცია გაიმართება.
ერთი აქცია-პერფომანსი ე.წ. მოდულის შენობასთან 11:00 საათზე მოეწყობა, სადაც ახალგაზრდები შეიკრიბებიან, ხოლო მეორე შვილმკვდარი მამების აქცია 15:00 საათზე, პარლამენტის წინ გაიმართება.
ცნობისთვის, სპეცოპერაციისას 19 წლის თემირლან მაჩალიკაშვილი თავის არეში დაიჭრა. იგი 10 იანვარს წმინდა მიქაელ მთავარანგელოზის სახელობის მრავალპროფილიან კლინიკურ საავადმყოფოში გარდაიცვალა. თემირლან მაჩალიკაშვილის მამა, მალხაზ მაჩალიკაშვილი მომხდარს დღემდე აპროტესტებს. ის დამნაშავეების დასჯას ითხოვს.