უახლესი ამბები
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
მსოფლიო
პარიზში პოლიციამ „ყვითელი ჟილეტების“ წინააღმდეგ ცრემლსადენი გაზი და წყლის ჭავლი გამოიყენა - დაშავდა 10 ადამიანი, 60 დაკავებულია
პარიზში პოლიციასა და საპროტესტო აქციის მონაწილეებს შორის შეტაკება მოხდა. პოლიციამ დემონსტრანტების წინააღმდეგ ცრემლსადენი გაზი და წყლის ჭავლი გამოიყენა.
პოლიციის განცხადებით, სამართალდამცველებმა 60 ადამიანი დააკავეს. დაშავდა 10 ადამიანი - 7 დემონსტრანტი და 3 პოლიციელი.
დღეს დილიდან პარიზში „ყვითელი ჟილეტების“ საპროტესტო აქცია დაიწყო, რომლის მონაწილეები საწვავის ფასების ზრდას აპროტესტებენ.
პოლიციამ პარიზის ცენტრალური ნაწილი გადაკეტა.
შინაგან საქმეთა მინისტრმა ქრისტოფ კასტანერმა, რომელიც ამ ყველაფრის თვითმხილველი იყო, ტვიტერში დაწერა, რომ ადგილზე შეიკრიბა „200 მშვიდობიანი დემონსტრანტი“ და „1500 აგიტატორი“, რომელიც „საბრძოლველად იყო მისული“.
„ყვითელი ჟილეტების“ საპროტესტო აქციები შუა ნოემბრიდან მიმდინარეობს. დემონსტრანტები პროტესტის ნიშნად მთელი საფრანგეთის მასშტაბით გზებს კეტავენ. პროტესტების განმავლობაში 2 ადამიანი დაიღუპა, ხოლო ასობით დაშავდა.