სტამბულში გამართულ პარლამენტართა საერთაშორისო კონფერენციაზე ათასწლეულის განვითარების მიზნების განხორციელებაში შეტანილი წვლილისათვის კომისიამ საქართველოს პირველი ლედი სანდრა რულოვსი დააჯილდოვა.

ნომინაციები სპეციალურმა კომისიამ რამდენიმეთვიანი დაკვირვების შემდეგ გამოავლინა.

ათასწლეულის განვითარების მიზნების განხორციელებაში შეტანილი წვლილისათვის, სანდრა რულოვსის გარდა კიდევ ხუთი ადამიანი დაჯილდოვდა.

პარლამენტართა საერთაშორისო კონფერენცია, რომელიც ევროპის საპარლამენტო ფორუმისა და გაეროს მოსახლეობის ფონდის ორგანიზებით იმართებოდა, სტამბულში დღეს დასრულდა.

ორი დღის განმავლობაში პარლამენტარებმა ინფექციურ დაავადებებზე, ქალთა ჯანმრთელობაზე, მიგრაციასა და დემოგრაფიაზე მოხსენებები წაიკითხეს.