უკან

პოლიტიკა

9 მარტი, 2017 16:10
font-size

პარლამენტის პლენარული სხდომაზე ათზე მეტი რატიფიცირებისთვის წარმოდგენილი საერთაშორისო ხელშეკრულება განიხილეს

პარლამენტის პლენარული სხდომა რატიფიცირებისთვის წარმოდგენილი საერთაშორისო ხელშეკრულებების განხილვით დაიწყო.

პლენარულმა სხდომამ განიხილა პარლამენტის დადგენილების პროექტი „ამერიკის შეერთებულ შტატებსა და საქართველოს შორის 2016 წლის 11 იანვრით დათარიღებულ „მზარდად სტაბილური, ინტეგრირებული და ჯანსაღი საზოგადოება“ განვითარების მიზნის შესახებ საგრანტო შეთანხმებაში“ ცვლილება ნომერი ერთის“ რატიფიცირების თაობაზე“.

წარმოდგენილი დოკუმენტის თაობაზე ინფორმაცია დეპუტატებს ფინანსთა მინისტრის მოადგილემ, გიორგი კაკაურიძემ გააცნო.

შეთანხმებაში შესატანი ცვლილებება ითვალისწინებს ამერიკის შეერთებული შტატების საერთაშორისო განვითარების სააგენტოს (USAID) მხრიდან საგრანტო თანხის 1 მილიონი აშშ დოლარიდან 2 მილიონ აშშ დოლარამდე გაზრდას. საგრანტო თანხის გაზრდასთან ერთად პროექტის ფარგლებში დაგეგმილი აქტივობებისთვის გამოყოფილი თანხის ოდენობაც ორმაგდება, კერძოდ: სამოქალაქო საზოგადოების მიმართულებით განსახორციელებელი აქტივობებისთვის განსაზღვრული საგრანტო თანხა 800 ათასი აშშ დოლარიდან 1 მილიონ 600 ათას აშშ დოლარამდე იზრდება, ხოლო მოწყვლადი მოსახლეობისთვის სამოქალაქო და ეკონომიკური სერვისების განვითარების მიმართულებით განსახორციელებელი აქტივობებისთვის განსაზღვრული საგრანტო თანხა 200 ათასი აშშ დოლარიდან 400 ათას აშშ დოლარამდე იზრდება.

როგორც გიორგი კაკაურიძემ აღნიშნა, ზრდის ტენდეცია თავიდანვე იყო ჩადებული დოკუმენტში და ხელშეკრულება ითვალისწინებს 2020 წლამდე ამ თანხის, ეტაპობრივად, 5 მილიონ დოლარამდე გაზრდას.

სხდომაზე განიხილეს პარლამენტის დადგენილების პროექტი „ამერიკის შეერთებულ შტატებსა და საქართველოს შორის 2015 წლის 22 დეკემბრით დათარიღებულ „დემოკრატიული კონტროლი და ბალანსი და ანგარიშვალდებული მმართველობა“ განვითარების მიზნის შესახებ საგრანტო შეთანხმებაში“ ცვლილება ნომერი ერთის“ რატიფიცირების თაობაზე“.

წარმოდგენილი საგრანტო შეთანხმების პირველი ცვლილება ითვალისწინებს ამერიკის შეერთებული შტატების საერთაშორისო განვითარების სააგენტოს (USAID) მხრიდან საგრანტო თანხის გაზრდას 6 მილიონ 520 ათასი აშშ დოლარის ოდენობით (6,018,000 აშშ დოლარიდან 12,538,000 აშშ დოლარამდე). საგრანტო თანხის გაზრდასთან ერთად იცვლება პროექტის ფარგლებში დაგეგმილი აქტივობებისთვის გამოყოფილი თანხის ოდენობებიც, კერძოდ;

კანონის უზენაესობისა და ადამიანის უფლებების მიმართულებით განსახორციელებელი აქტივობებისთვის განსაზღვრული საგრანტო თანხა იქნება 6 მილიონ 738 ათასი აშშ დოლარი;

დემოკრატიული მმართველობის მიმართულებით განსახორციელებელი აქტოვობებისთვის განსაზღვრული საგრანტო თანხა 4 მილიონ 320 ათასი აშშ დოლარი;

სამოქალაქო საზოგადოების მიმართულებით განსახორციელებელი აქტივობებისთვის განსაზღვრული საგრანტო თანხა 1 მილიონ 480 ათასი აშშ დოლარი.

ფინანსთა მინისტრის მოადგილის, გიორგი კაკაურიძის განმარტებით, შეთანხმებაში გათვალისწინებულია საგრანტო თანხის ყოველწლიური ზრდა და 2020 წლამდე აღნიშნული თანხა, დაახლოებით, 25,000,000 აშშ დოლარამდე გაიზრდება.

დეპუტატებმა, პლენარულ სხდომაზე, განიხილეს პარლამენტის დადგენილების პროექტი „ამერიკის შეერთებულ შტატებსა და საქართველოს შორის 2015 წლის 22 დეკემბრით დათარიღებულ „ინკლუზიური და მდგრადი ეკონომიკური ზრდა“ განვითარების მიზნის შესახებ საგრანტო შეთანხმებაში“ ცვლილება ნომერი ერთის“ რატიფიცირების თაობაზე“.

ფინანსთა მინისტრის მოადგილის, გიორგი კაკაურიძის განცახდებით, ცვლილების თანახმად, გამოყოფილი თანხის ოდენობა მთლიანად იზრდება 28 მილიონი დოლარით. აქედან გამომდინარე, იცვლება პროექტის ფარგლებში დაგეგმილი ექვსი მიმართულებით განსახორციელებელი აქტოვობებისთვის გამოყოფილი თანხის ოდენობებიც. კერძოდ: კონფლიქტების შემსუბუქებისა და შერიგების მიმართულებით გამოყოფილი თანხა იზრდება დახლოებით 2 მილიონი აშშ დოლარით, განათლების მიმართულებით გაოყოფილი თანხა 1 მილიონი აშშ დოლარით იზრდება, ინფრასტრუქტურის მიმართულებით თანხა 2,5 მილიონი აშშ დოლარით იზრდება, სოფლის მეურნეობა 1,7 მილიონი დოლარით, კერძო სექტორის კონკურენტუნარიანობის მიმართულება 6 მილიონ 102 ათასი აშშ დოლარით, ხოლო გარემოს მიმართულება 1 მილიო 668 ათასი აშშ დოლარით.

დღევანდელ სხდომაზევე წარმოდგენილი იყოს პარლამენტის დადგენილების პროექტი „საქართველოსა და ევროპის საინვესტიციო ბანკს შორის ფინანსური ხელშეკრულების (საქართველოს სოფლის მეურნეობის პროდუქციის წარმოების/გადამუშავების/რეალიზაციის ჯაჭვი)“ რატიფიცირების შესახებ“.

ფინანსთა მინისტრის მოადგილემ, გიორგი კაკაურიძემ აღნიშნა, რომ ხელშეკრულების მიხედვით, ევროპის საინვესტიციო ბანკის მიერ საქართველოსთვის გამოყოფილი ფინანსური რესურსი 100 მლნ. ევროს შეადგენს, რომლის ათვისებაც შესაძლებელი იქნება 2021 წლის ჩათვლით. მისივე თქმით, ეს თანხა კომერციული ბანკების მეშვეობით უნდა მიიმართოს სოფლის მეურნეობის სექტორის განვითარებისთვის.

„სესხის დაფარვის ვადა 12 წელია, მათ შორის 5 წელი შეღავათიანი პერიოდია. საპროცენტო განაკვეთი იქნება ლარში და განაკვეთი დადგინდება თითოეული ტრანშის დროს. ავირჩევთ იმ საპროცენტო განაკვეთს, რომელიც ჩვენთვის იქნება მისაღები ტრანშის ჩარიცხვის დროს. ასევე, საშუალება გვექნება მივიღოთ გადაწყვეტილება ფიქსირებული იქნება საპროცენტო განაკვეთი თუ ცვლადი“, - განაცხადა გიორგი კაკაურიძემ.

დღევანდელ სხდომაზე, პარლამენტის წევრებმა ათზე მეტი რატიფიცირებისთვის წარმოდგენილი საერთაშორისო ხელშეკრულება განიხილეს.

საკვანძო სიტყვები:

„ერთიანი საქართველო“ ხელისუფლებას ანტიკრიზისულ გეგმას სთავაზობს

28 მარტი, 2020 , 15:00

„ერთიანი საქართველოს“ ლიდერი ნინო ბურჯანაძე ხელისუფლებას ანტიკრიზისულ გეგმას სთავაზობს. „ჩვენ, „ერთიან საქართველოს“, გვინდა წარმოგიდგინოთ, შედარებით მოკრძალებული და რეალისტური გეგმა სწორედ ჩ

დღეს ისე როგორც არასდროს საჭიროა ევროპული სოლიდარობის დემონსტრირება - საქართველოს საგარეო საქმეთა სამინისტრო

25 მარტი, 2020 , 22:42

საქართველოს საგარეო საქმეთა სამინისტრო ევროკავშირის დაარსებისთვის საფუძველის ჩაყრის 63 წლისთავთან დაკავშირებით განცხადებას ავრცელებს. "ზუსტად 63 წლის წინ, 1957 წლის 25 მარტს, ევროპის ქვეყნებმა რომის ხელშეკრულების ხელმოწე

არჩილ თალაკვაძესა და ადამ კინზინგერს შორის სატელეფონო საუბარი გაიმართა

25 მარტი, 2020 , 11:25

საქართველოს პარლამენტის პრესსამსახური არჩილ თალაკვაძესა და ამერიკელ კონგერსმენ ადამ კინზინგერს შორის სატელეფონო საუბრის შესახებ ინფორმაციას ავრცელებს. როგორც საქართველოს პარლამენტის პრესსამსახურის ინფორმაციაშია ნათქვამი,

საქართველოში საგანგებო მდგომარეობის ამოქმედების შესახებ გაერო-სა და ევროპის საბჭოს ეცნობათ

23 მარტი, 2020 , 12:35

საქართველოში საგანგებო მდგომარეობის ამოქმედების შესახებ გაერთიანებული ერების ორგანიზაციასა და ევროპის საბჭოს ეცნობათ. ინფორმაციას საქართველოს საგარეო საქმეთა სამინისტრო ავრცელებს. უწყების ცნობით, დადგენილი საერთაშორისო პ

ნატო ჩხეიძე: პრემიერის გამოუცხადებლობა მივიჩნიე უპასუხისმგებლო დამოკიდებულებად

22 მარტი, 2020 , 14:35

„პრემიერის გამოუცხადებლობა მივიჩნიე უპასუხისმგებლო დამოკიდებულებად არა მარტო პარლამენტის მიმართ, რაც ისედაც სჩვევია, არამედ უპასუხისმგებლიბად თავისივე ინიცირებული 1 თვიანი საგანგებო რეჟიმის მიმართ, და ასეც აღვნიშნე

საერთაშორისო მიმოსვლის შეწყვეტა ნიშნავს, რომ საქართველოში უცხო ქვეყნების მოქალაქეების შემოსვლა იზღუდება, მაგრამ არ ნიშნავს იმას, რომ იზღუდება საქართველოს მოქალაქეების საქართველოს ტერიტორიაზე შემოსვლა - ბექა დოჭვირი

21 მარტი, 2020 , 22:48

საერთაშორისო მიმოსვლის შეწყვეტა ნიშნავს, რომ საქართველოში უცხო ქვეყნების მოქალაქეების შემოსვლა იზღუდება, მაგრამ ეს არ ნიშნავს იმას, რომ იზღუდება საქართველოს მოქალაქეების საქართველოს ტერიტორიაზე შემოსვლა, - ამის შესახებ მ