პოლიტიკა

პარლამენტის სპორტისა და ახალგაზრდულ საქმეთა კომიტეტის თავმჯდომარე კვლავ ლერი ხაბელოვი იქნება

,,ქართული ოცნების“ წევრის, თემურ ჭკუასელის ინფორმაციით, პარლამენტის სპორტისა და ახალგაზრდულ საქმეთა კომიტეტის თავმჯდომარის პოსტს კვლავ ლერი ხაბელოვი დაიკავებს. ამის შესახებ ჭკუასელმა დღეს გამართულ პრესკონფერენციაზე განაცხადა. რაც შეეხება ადამიანის უფლებათა დაცვის კომიტეტს, თემურ ჭკუასელის ინფორმაციით, იმ შემთხვევაში, თუ მანანა კობახიძე ამ თანამდებობის დაკავებაზე უარს იტყვის, კომიტეტს სოფო კილაძე ჩაიბარებს.

,,სპორტის კომიტეტის თავმჯდომარე ლერი იქნება ისევ ხაბელოვი, ვინც იყო. ლერი ძალიან ეფექტური თავმჯდოამრე იყო თავის დროზე და ენერგიით სავსე ადამიანია. ყველაფერს რომ თავი დავანებოთ, ოლიმპიური კომიტეტის თავმჯდომარე გახლდათ.

ადამიანის უფლებათა დაცვის კომიტეტის თავმჯდომარედ სოფო კილაძეზე იყო საუბარი, თუ მანანა კობახიძემ უარი თქვა“, - განაცხადა თემურ ჭკუასელმა.

ვინ დაიკავებს პარლამენტის ადამიანის უფლებათა დაცვისა და სპორტისა და ახალგზარდობის კომიტეტების თავმჯდომარეობის ვაკანტურ თანამდებობებს, სავარაუდოდ დღეს გახდება ცნობილი.

მარი ნამგალაძე