უკან

უახლესი ამბები

დღის კალენდარი

ანონსები

არქივი

პოლიტიკა

19 ივნისი, 2017 18:25
font-size

პარლამენტის თავმჯდომარის შეთავაზება საქართველოს პრეზიდენტისადმი არის არაკეთილსინდისიერი - ,,თავისუფალი დემოკრატები’’ და რესპუბლიკელები

პარლამენტის თავმჯდომარის შეთავაზება საქართველოს პრეზიდენტისადმი - პირდაპირ ეთერში მათ შორის გაიმართოს ფაქტიურად დებატები, კონსტიტუციაში განსახორციელებელ ცვლილებებთან დაკავშირებით არის არაკეთილსინდისიერი და მიზნად ისახავს საზოგადოების შეცდომაში შეყვანას, - ნათქვამია ,,თავისუფალი დემოკრატებისა’’ და რესპუბლიკელების განცხადებაში.

აქვე აღნიშნულია, რომ შეთავაზება არ არის მოტივირებული საქართველოს კონსტიტუციაზე ზრუნვით და არ ემსახურება უკეთესი საკონსტიტუციო ცვლილებების განხორციელებას.

,,ამ შეთავაზების ერთადერთ მიზანს ქვეყნის კონსტიტუციაში მხოლოდ "ქართული ოცნებისათვის" სასურველი ცვლილებების გატარება წარმოადგენს.

კერძოდ: იმ შემთხვევაში თუ პრეზიდენტი უარს იტყოდა შეთავაზებაზე (რაც უფრო მეტად მოსალოდნელი იყო და ასეც მოხდა), "ქართული ოცნება" გამოაცხადებდა, რომ თავად მზად იყო საკონსტიტუციო ცვლილებებზე მსჯელობა კიდევ უფრო საჯარო გაეხადა და უზრუნველეყო კონსესუსის მიღწევა საქართველოს პრეზიდენტთან, მაგრამ სამწუხაროდ პრეზიდენტმა თავი აარიდა საჯარო ოპონირებას, რითაც დაზიანდა საკონსტიტუციო კანონშემოქმედებითი პროცესი (ამგვარი განცხადებები უკვე გააკეთეს "ქართული ოცნების " სახეებმა); ხოლო თუ პრეზიდენტი დათანხმდებოდა, ეს იქნებოდა უფრო ზედაპირული შოუ, ვიდრე სერიოზული განხილვა, რაც არანაირად არ წაადგებოდა არც საქმეს და არც ქვეყნის იმიჯს.

პრეზიდენტმა პარლამენტის თავმჯდომარეს მიმართა სწორი და რეალისტური საპასუხო შეთავაზებით: საკონსტიტუციო ცვლილებებზე სასაუბროდ დამსხდარიყვნენ არა მხოლოდ პრეზიდენტი და პარლამენტის თავმჯდომარე, არამედ მათთან ერთად - პრემიერ მინისტრი, სახალხო დამცველი, პოლიტიკური პარტიების და არასამთავრობო სექტორის წარმომადგენლები, ექსპერტები და სხვა. ამ სუბიექტთა შორის დისკუსია ფართოდ გაშუქებულიყო მედიის მიერ.

საქმე ისაა, რომ "ქართული ოცნების'' მიერ შემოთავაზებულ საკონსტიტუციო ცვლილებებს არ ეთანხმება როგორც პრეზიდენტი, ისე "ქართული ოცნების " გარდა ქვეყანაში არსებული ყველა სხვა პოლიტიკური ძალა, სახალხო დამცველი, არასამთავრობო სექტორი და მთლიანად საზოგადოების უდიდესი ნაწილი, რაც აშკარად გამოიხატა კონსტიტუციაზე მუშაობის პერიოდში. შესაბამისად, საჭირო კონსესუსის მიღწევა საკონსტიტუციო ცვლილებებთან დაკავშირებით, გულისხმობს თანხმობას არა მხოლოდ "ქართულ ოცნებასა" და ქვეყნის პრეზიდენტს, არამედ - ხელისუფლებასა და ყველა ზემოთ ჩამოთვლილ სუბიექტს შორის. ამგვარად, კონსესუსის მისაღწევად, მოცემულ საკითხზე დისკუსიაში არა მხოლოდ პარლამენტის თავმჯდომარე და პრეზიდენტი, არამედ ზემოხსენებული სუბიექტებიც უნდა იღებდნენ მონაწილეობას. სწორედ ამისაკენ მოუწოდა პრეზიდენტმა პარლამენტის თავმჯდომარეს და სწორედ ამას გულისხმობს ვენეციის კომისია თავის მოთხოვნაში, საკონსტიტუციო ცვლილებებზე ფართო კონსესუსის მიღწევის აუცილებლობის შესახებ.

"თავისუფალი დემოკრატები" და "რესპუბლიკელები" მოვუწოდებთ პარლამენტის თავმჯდომარეს და მთლიანად სახელისუფლებო პოლიტიკურ ძალას - "ქართულ ოცნებას", რათა ისეთი უმნიშვნელოვანესი საკითხის მიმართ, როგორიც ქვეყნის კონსტიტუციური მოწყობაა, გამოიჩინონ სახელმწიფოებრივი მიდგომა და ვენეციის კომისიის დასკვნის მიღების შემდეგ დაუყოვნებლივ კი არ დაიწყოს კანონპროექტის საპარლამენტო განხილვა, არამედ ოპოზიციური პოლიტიკური ძალების, არასამთავრობო სექტორის, სახალხო დამცველისა და სხვა რელევანტური სუბიექტების ჩართულობით დაუბრუნდეს მსჯელობას ქვეყნის კონსტიტუციაში განსახორციელებელ ცვლილებებზე. წინააღმდეგ შემთხვევაში, მმართველი პოლიტიკური ძალა მიიღებს კონსტიტუციას, რომელსაც არ ექნება არც საერთო– სახალხო და არც პოლიტიკური და სამოქალაქო სექტორის ლეგიტიმაცია. ასეთი კონსტიტუცია ვერ უზრუნველყოფს ქვეყნის სტაბილურობას და პროგრესულ განვითარებას, რაზედაც პასუხისმგებლობა მთლიანად "ქართულ ოცნებას" დაეკისრება'', - ნათქვამია "თავისუფალი დემოკრატებისა" და რესპუბლიკელების განცხადებაში.

ნინო ექვთიმიშვილი

დასანანია, რომ პრეზიდენტი ასეთი პოლიტიკური ბრძოლის გზას დაადგა - გია ვოლსკი

22 ივნისი, 2017 , 17:50

საპარლამენტო უმრავლესობის წევრის, გია ვოლსკის განცხადებით, პრეზიდენტის მიმართვა კანონმდებლებისადმი ემსახურება მის სამომავლო პოლიტიკურ ამბიციებს. „მგონია, რომ პრეზიდენტი ძალიან ცუდად უწევს ექსპლუატაციას ხალხის ვითომ

უმრავლესობა დახურულ კარს მიღმა სხდომას მართავს

22 ივნისი, 2017 , 17:50

საკანონმდებლო ორგანოში, საპარლამენტო უმრავლესობის სხდომა მიმდინარეობს. მმართველი გუნდის წევრები ერთმანეთს დახურულ კარს მიღმა ხვდებიან. უმრავლესობის დეპუტატები სავარაუდოდ, ხვალინდელი რიგგარეშე სხდომის დღის წესრიგზე მსჯელო

პასუხისმგებლობას ვერც პარლამენტის თავმჯდომარე, ვერც პრემიერ-მინისტრი ვერ გაექცევა - არმაზ ახვლედიანი

22 ივნისი, 2017 , 17:50

„ქართული ოცნების“ ყოფილი გენერალური მდივნის, არმაზ ახვლედიანის განცხადებით, იმ მდგომარეობაზე, რომელიც საკონსტიტუციო ცვლილელებთან დაკავშირებით შეიქმნა პასუხისმეგბლობას ვერც პარლამენტის თავმჯდომარე, ვერც პრემიე

გია ხუხაშვილმა ბიძინა ივანიშვილს პოლიტიკაში დაბრუნებისაკენ მოუწოდა

22 ივნისი, 2017 , 17:30

ექსპერტმა გია ხუხაშვილმა ბიძინა ივანიშვილს მოუწოდა, პოლიტიკაში დაბრუნდეს. ხუხაშვილის თქმით, ქვეყანაში მმართველობითი კრიზისია, რომელიც ივანიშვილმა უნდა დაალაგოს. „ეს ხელისუფლება მოწოდებულია, ყველა თავისი უპასუხისმგე

ძალადობით კონსტიტუციის მიღება არ არის სწორი ნაბიჯი - პრეზიდენტი

22 ივნისი, 2017 , 17:20

საქართველოს პრეზიდენტმა, გიორგი მარგველაშვილმა მოუწოდა პარლამენტარებს, არ დაუჭირონ მხარი იმ საკონსტიტუციო პროექტს, რომელსაც აქვს ნულოვანი კონსესუსი. „სამწუხაროდ, ჩვენ მივიღეთ კონსტიტუციის პროექტი, რომელსაც აქვს ნულ

პარლამენტმა საკონსტიტუციო ცვლილებებს პირველი მოსმენით მხარი დაუჭირა

22 ივნისი, 2017 , 16:50

საქართველოს პარლამენტმა პირველი მოსმენით მხარი დაუჭირა საკონსტიტუციო კანონპროექტს. რეგისტრაცია 115-მა დეპუტატმა გაიარა, რომლებმაც ერთსულოვნად მისცეს ხმა საკონსტიტუციო ცვლილებების სასარგებლოდ. გარდა ამისა, კანონმდებლებმა