არქივი
კომენტარი
პარლამენტის წევრებს სოსო ოსორაულის სიცოცხლეზე პასუხისმგებლობა არ გვაქვს?! - ირმა ინაშვილი
პარლამენტის ვიცე-სპიკერი, „პატრიოტთა ალიანსის“ ლიდერი ირმა ინაშვილი მიიჩნევს, რომ პარლამენტის წევრებს, კონგოში დატყვევებული მფრინავის სოსო ოსორაულის სიცოცხლეზე პასუხისმგებლობა უნდა ქონდეთ.
ამის შესახებ ინაშვილმა პლენარულ სხდომაზე განაცხადა.
„ამ წუთებში, როდესაც მიმდინარეობს საქართველოს პარლამენტის სხდომა, ჩვენი მოქალაქე, სამხედრო პირი, პოლკოვნიკი, მფრინავი სოსო ოსორაული განსაცდელშია. უზარმაზარი სტრუქტურა, სახელმწიფო სტრუქტურა საგარეო საქმეთა სამინისტროს სახით არის გაყუჩებული. და ჩვენ პასუხისმგებლობა პარლამენტის წევრებს, დეპუტატებს არა გვაქვს ჩვენი თანამოქალაქის სიცოცხლეზე? არ შეიძლება კონგოში ჩასვლა, საუბარი, მოძიება?!“,-აღნიშნა ინაშვილმა.
ინაშვილმა პარლამენტის წევრებს მოუწოდა, სასწრაფო წესით შეიქმნას შესაბამისი სამუშაო ჯგუფი.
მონიკა დავლიანიძე