უკან

უახლესი ამბები

დღის კალენდარი

ანონსები

არქივი

საზოგადოება

9 ნოემბერი, 2018 15:35
font-size

დავით ზალკალიანი პროგრამის „იყავი შენი ქვეყნის ახალგაზრდა ელჩი“ გამარჯვებულებს შეხვდა

საქართველოს საგარეო საქმეთა მინისტრმა, დავით ზალკალიანმა, პროგრამის „იყავი შენი ქვეყნის ახალგაზრდა ელჩი“ გამარჯვებულებს საგარეო საქმეთა სამინისტროში უმასპინძლა.

საგარეო საქმეთა სამინისტროს ინფორმაციით, დავით ზალკალიანმა ახალგაზრდა ელჩებთან საგარეო საქმეთა სამინისტროს პრიორიტეტული მიმართულებები მიმოიხილა. შეხვედრაზე ყურადღება გამახვილდა ქვეყნის ევროპულ და ევროატლანტიკურ სტრუქტურებში ინტეგრაციის პროცესსა და აღნიშნული მიმართულებით საქართველოს პროგრესზე. მინისტრმა ახალგაზრდა ელჩებთან პროგრამის მნიშვნელობასა და აღნიშნულ პროექტში საგარეო საქმეთა სამინისტროს ჩართულობაზე ისაუბრა.

„ძალიან მისასალმებელი და კარგი ინიციატივაა. დღეს ვისაუბრეთ საქართველოს საგარეო პოლიტიკურ პრიორიტეტებზე, ქვეყნის უკეთესად წარმოჩენაზე ფარგლებს გარეთ. ძალიან მნიშვნელოვანია, რომ ჩვენი წარმატებული ახალგაზრდები, რომლებიც სხვადასხვა ქვეყნებში ცხოვრობენ და მოღვაწეობენ, უკვე ამ რანგში გააგრძელებენ აქტიურ საქმიანობას და დაგვეხმარებიან ჩვენი ქვეყნის უკეთესად წარმოჩენაში. ეს არის კიდევ ერთი კარგი საშუალება, რომ ჩვენი დიასპორის წარმომადგენლებთან და იმ ორგანიზაციებთან რომლებიც არიან ფართოდ წარმოდგენელნი საქართველოს ფარგლებს გარეთ, გვქონდეს აქტიური კომუნიკაცია ახალგაზრდა ელჩების ჩართულობით . ასევე მათი მხრიდანაც იყოს მეტი ჩართულობა და ჩვენ გავერთიანდეთ იმისთვის, რომ ჩვენი ქვეყნის საგარეო პოლიტიკური პრიორიტეტები და პოზიტიური იმიჯი იყოს უფრო ეფექტიანად წარმოდგენილი, როგროც ჩვენს პარტნიორებთან, ისე იმ დიასპორულ ორგანიზაციებში, რომლებიც არის წარმოდგენილნი საქართველოს ფარგლებს გარეთ.“ -აღნიშნა საგარეო საქმეთა მინისტრმა.

საქართველოს ახალგაზრდა ელჩებმა თავის მხრივ მინისტრს გააცნეს საკუთარი გეგმები და მიმოიხილეს მათ ადგილსამყოფელ ქვეყნებში საქართველოს პოპულარიზაციის კუთხით დაგეგმილი აქტივობები.

მინისტრმა შეხვედრის ფარგლებში ახლაგაზრდა ელჩებს სიგელები გადასცა. საქართველოს ახალგაზრდა ელჩები ღია კონკურსის შედეგად, ერთწლიანი მანდატით შერჩეული იქნენ 15 ქვეყანაში : ავსტრიის რესპუბლიკაში (მარიამ თაყნიაშვილი), ამერიკის შეერთებული შტატებში (ტატო ოქრუაშვილი), ბელგიის სამეფოში (ნინო ახალშენიშვილი), გერმანიის ფედერაციულ რესპუბლიკაში (ირინე ჩიხლაძე), დიდი ბრიტანეთისა და ჩრდილოეთ ირლანდიის გაერთიანებული სამეფოში (სოფო ქევხიშვილი), ესპანეთის სამეფოში (თამარ არველაძე), თურქეთის რესპუბლიკაში (გიორგი ცეცხლაძე), იტალიის რესპუბლიკაში (ნენო გაბელია), ნიდერლანდების სამეფოში (ერეკლე კოპალაძე), პოლონეთის რესპუბლიკაში (თამარ ლორთქიფანიძე), საბერძნეთის რესპუბლიკაში (ლიკა ჯანელიძე), საფრანგეთის რესპუბლიკაში (მერი უღრელიძე), უკრაინაში (სანდრო თოფურია), შვედეთის სამეფოში (მარიამ ორჯონიკიძე) და ჩეხეთის რესპუბლიკაში (დემეტრე რუხაძე).

აღსანიშნავია, რომ „საქართველოს ახალგაზრდა ელჩების“ კონკურსის გამარჯვებულები თბილისში, 8-9 ნოემბერს მიმდინარე „საქართველოს ახალგაზრდა ელჩების ამბასადორიალი“-ს ფარგლებში იმყოფებიან, რომლის დროსაც მათ საგარეო პრიორიტეტების, ტურისტული პოტენციალის, ახალგაზრდული საქმიანობის კუთხით არსებული შესაძლებლობების და სხვა პრიორიტეტული მიმართულებების შესახებ ინფორმაციას მიაწოდებენ საგარეო საქმეთა სამინისტროს; განათლების, მეცნიერების, კულტურის და სპორტის სამინისტროს; ტურიზმის ეროვნული ადმინისტრაციის და მიგრაციის პოლიტიკის განვითარებისა საერთაშორისო ორგანიზაციის წარმომადგენლები.

პროგრამა "იყავი შენი ქვეყნის ახალგაზრდა ელჩი“ 2014 წლიდან მიმდინარეობს. საქართველოს საგარეო საქმეთა სამინისტროს საგრანტო პროექტი ხორციელდება მიგრაციის პოლიტიკის განვითარების საერთაშორისო ცენტრის (ICMPD) მხარდაჭერით, ევროკავშირის მიერ დაფინანსებული პროექტის ENIGMMA 2-ის ფარგლებში.

საკვანძო სიტყვები:

საქართველოში კორონავირუსის 26 ახალი შემთხვევა გამოვლინდა

31 მაისი, 2020 , 11:00

26 ახალი შემთხვევა გამოვლინდა. ამის შესახებ თბილისის ინფექციური საავადმყოფოს სამედიცინო დირექტორმა, მარინა ეზუგბაიამ ჟურნალისტებს განუცხადა. მისივე თქმით, გამოჯანმრთელდა კიდევ ხუთი პაციენტი. ამ დროისთვის, საქართველოში კო

მიკროავტობუსების საკითხი გასაკონტროლებელია - ამირან გამყრელიძე

30 მაისი, 2020 , 16:34

"მოვუწოდებ ყველას, რომ პანიკას ნუ მიეცემიან, მაგრამ საჭირო და აუცილებელია ყველა წესის გათვალისწინება. ამუშავდა მობილობის ყველაზე ძლიერი მექანიზმი - საზოგადოებრივი ტრანსპორტი,” - ამის შესახებ დაავადებათა კონტროლის ე

„პროფესიული განათლება ბიზნესისთვის კოვიდ-19-ის შემდეგ” - ღია დიალოგის ფორმატში ონლაინ შეხვედრა გაიმართა

30 მაისი, 2020 , 16:15

ევროპული ბიზნეს ასოციაციის ორგანიზებით, საქართველოს განათლების, მეცნიერების, კულტურისა და სპორტის მინისტრის მოადგილემ, თამარ ქიტაშვილმა კერძო სექტორის წარმომადგენლებთან ღია დიალოგის ფორმატში ონლაინ შეხვედრა „პროფეს

მთავრობამ სპორტსმენებისთვის დროებითი პროტოკოლი შეიმუშავა

30 მაისი, 2020 , 15:41

პროფესიული სპორტის განვითარების ხელშეწყობის მიზნით, საქართველოს განათლების, მეცნიერების, კულტურისა და სპორტის სამინისტროსა და ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო

ახალი კლასტერი არის საბურთალოზე და მისი კვლევა მიმდინარეობს - ამირან გამყრელიძე

30 მაისი, 2020 , 15:00

გიდასტურებთ, რომ ეს კლასტერი გახლავთ საბურთალოზე და გიდასტურებთ იმას, რომ მიმდინარეობს ამ კლასტერის, როგორც ინფიცირებულის ყველა კონტაქტის კვლევა, – ამის შესახებ დაავადებათა კონტროლის ეროვნული ცენტრის ხელმძღვანელმა,

ნავთლუღის საცალო აგრარულმა ბაზარმა ფუნქციონირება განაახლა

30 მაისი, 2020 , 14:47

დედაქლაქის ტერიტორიაზე არსებულ ერთ-ერთ უძველეს ბაზარში, ახალი კორონავირუსის გავრცელების რისკების თავიდან აცილების მიზნით, სურსათის ეროვნული სააგენტოს ზედამხედველობითა და ისნის რაიონის გამგეობის ჩართულობით, მასშტაბური სარ