უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
პარლამენტმა მხარი დაუჭირა „საერთო სასამართლოების შესახებ“კანონში ცვლილების შეტანის შესახებ კანონპროექტს
საქართველოს პარლამენტმა დღევანდელ სხდომაზე მესამე მოსმენით განიხილა და მოგვიანებით კენჭისყრით დაუჭირა მხარი „საერთო სასამართლოების შესახებ“ საქართველოს ორგანულ კანონში ცვლილების შეტანის შესახებ“ კანონპროექტს და მისგან გამომდინარე კანონპროექტთა პაკეტს.
პარლამენტის თავმჯდომარემ, ირაკლი კობახიძემ კოლეგებს მიულოცა ამ მნიშვნელოვანი დოკუმენტის მიღება.
„ჩვენ სამი მოსმენით მივიღეთ მართლმსაჯულების რეფორმის მესამე ტალღის ცვლილებათა პაკეტი, რომელიც უზრუნველყოფს საქართველოში მართლმსაჯულების სისტემის დამოუკიდებლობის შემდგომ განმტკიცებას“, - განაცხადა მან.
კანონპროექტთა პაკეტში წარმოდგენილი ცვლილებების მიხედვით უზენაესი სასამართლოს მოსამართლეთა რაოდენობა განისაზღვრება 28 წევრით. უქმდება უზენაესი სასამართლოს თავმჯდომარის მოადგილის, ასევე სააპელაციო სასამართლოს თავმჯდომარის მოადგილეების ინსტიტუტი. ახლებურად ყალიბდება სააპელაციო და რაიონული (საქალაქო) სასამართლოების თავმჯდომარეთა თანამდებობაზე გამწესების საკითხი, კერძოდ, იუსტიციის უმაღლესი საბჭოს მიერ დანიშვნის ნაცვლად მათ შესაბამისი სასამართლოების მოსამართლეები აირჩევენ. ცვლილებით განისაზღვრება ცალკეული პროცედურული საკითხებიც.
ნინო ექვთიმიშვილი