უახლესი ამბები
- 25.04.2024 17:33სანქციები ივანიშვილს, უვიზო რეჟიმის კრიტერიუმების შემოწმება და რუსული კანონის მიღების შემთხვევაში უარი მოლაპარაკებებზე - ევროპარლამენტმა საქართველოზე რეზოლუცია მიიღო
- 25.04.2024 17:07საქართველოს აუქმებს ივანიშვილი - ლევან ხაბეიშვილი
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:51უკონტროლო მიგრაცია უდიდეს საფრთხეს უქმნის ევროპული ქვეყნების ეროვნულ იდენტობას - ირაკლი კობახიძე
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
პარლამენტმა ომბუდსმენის კანდიდატურის შერჩევის პროცესის გამჭვირვალობა და მაღალი ლეგიტიმაცია ვერ შეძლო - „ახალგაზრდა ადვოკატები“
ორგანიზაცია „ახალგაზრდა ადვოკატები“ საქართველოს სახალხო დამცველის შერჩევის პროცესთან დაკავშირებით განცხადებას ავრცელებს და აღნიშნავს, რომ საქართველოს პარლამენტს მეტი გამჭვირვალობისა და დემოკრატიისთვის, ომბუდსმენის კანდიდატურა ფართო სამოქალაქო დიალოგის ფონზე უნდა შეერჩია და არა მხოლოდ ვიწრო კუთვნილების მქონე ჯგუფთან ფორმალური კონსულტაციის შემდეგ.
„ახალგაზრდა ადვოკატების“ განცხადებით, 2016 წლის მოწვევის პარლამენტმა, ვერ უზრუნველყო კონსტიტუციური ორგანოს - საქართველოს სახალხო დამცველის შერჩევის პროცესის მეტი ლეგიტიმაცია. ორგანიზაცია აღნიშნავს, რომ პარლამენტს არ უნდა დაერღვია ტრადიცია, რომელიც საქართველოს სახალხო დამცველის კანდიდატები შეირჩევოდნენ სამოქალაქო სექტორთან ფართო დიალოგის პროცესში. პარლამენტს უნდა მოეხდინა მომავალი ომბუდსმენის კანდიდატების წარმოდგენისთვის კონკრეტული თარიღის განსაზღვრა, სადაც სამოქალაქო ორგანიზაციებს, საინიციატივო ჯგუფებს ან/და პირებს, რომლებსაც ადამიანის უფლებების სფეროში შესაბამისი გამოცდილება გააჩნდათ, შეეძლებოდათ განაცხადის გაკეთება. აღმოჩნდა, რომ საქართველოს პარლამენტმა რვა არასამთავრობო ორგანიზაციასთან ერთი შეხვედრით, ასევე რამდენიმე საერთაშორისო ორგანიზაციის წარმომადგენელთან კონტაქტის საფუძველზე, სახალხო დამცველის მომავალი კანდიდატის შერჩევის გადაწყვეტილება მიიღო, რაც არათანაბარ მდგომარეობაში აყენებს საქართველოს სახალხო დამცველის თანამდებობაზე მსურველ სხვა შესაძლო პირებს და ამ პროცესის საზოგადოებრივი ინტერესებით წარმართვის შესაძლებლობას აკნინებს.
„ახალგაზრდა ადვოკატები“ აღნიშნავს, რომ საქართველოს პარლამენტი, კანონის თანახმად, ვალდებული არ არის საქართველოს სახალხო დამცველის კანდიდატი სამოქალაქო სექტორის წარმომადგენლებთან კონსულტაციების შედეგად შეარჩიოს, მაგრამ მაღალი პოლიტიკური კულტურის, ადამიანის უფლებების დაცვის ინსტიტუციონალური პრინციპების დაცვისა და ობიექტურობის ტესტიდან გამომდინარე, საქართველოს პარლამენტს პროცესის წარმართვა ამ ფორმით უნდა მოეხდინა. ორგანიზაცია, მოცემულ შემთხვევაში, აქცენტს აკეთებს შერჩევის პროცედურებზე და არ განიხილავს სახალხო დამცველის მსურველი კანდიდატების საზოგადოებრივ რეპუტაციას, გამოციდლებას და მიუკერძოებლობის ხარისხს. ამასთან, ორგანიზაცია აღნიშანვს, რომ ხალხის სახალხო დამცველის ინსტიტუტის მიმართ ნდობის უზრუნველსაყოფად, მნიშვნელოვანი ნაბიჯი იქნებოდა, პარლამენტს შეერჩია პირი, რომელიც, თავისი ბიოგრაფიის არც ერთ ეტაპზე, პირადი და სამსახურეობრივი ურთიერთობებით, დაკავშირებული არ იქნებოდა სახელმწიფო ორგანოებთან და პოლიტიკური თანამდებობის პირებთან, საზოგადოებას ექნებოდა კონსოლიდირებული აზრი მის ბიოგრაფიასთან და მისი მიდგომები თავსებადი იქნებოდა ქვეყანაში ადამიანის უფლებების დაცვის გამოწვევებთან.
„ახალაგზრდა ადვოკატების“ შეფასებით, ამ თვალსაზრისით, როდესაც მმართველმა პოლიტიკურმა კოალუციამ საქართველოს სახალხო დამცველის შერჩევა საზოგადოებრივი კონსესუსის შედეგად გადაწყვიტა, 2012 წელს ამ პროცესის მეტი გამჭვირვალობა უზრუნველყო. მაშინ, სახალხო დამცველის თანამდებობაზე, სულ შვიდი კანდიდატი: ლია მუხაშავრია, გელა ნიკოლეიშვილი, უჩა ნანუაშვილი, დიმიტრი ლორთქიფანიძე, თამარ გურჩიანი, ნინა ხატისკაცი და ნათია იმნაძე იქნენ წარდგენილები, რომლებსაც საპარლამენტო კომიტეტებთან და ფრაქციებთან უშუალოდ მოუწიათ საპროგრამო საქმიანობის გაცნობა. ამ პროცესში, აქტიური მონაწილეობა მიიღო „ახალგაზრდა ადვოკატებმაც“.
ცნობისთვის: ორგანიზაციის ბიოგრაფიის მნიშვნელოვან ნაწილს წარმოადგენს ინსტიტუციური დიალოგის პროცესში აქტიური სამოქალაქო მონაწილეობის უზრუნველყოფა, რაც მუდმივად გამოიხატებოდა საქართველოს სახალხო დამცველის პოზიციაზე ლია მუხაშავრიას კანდიდატურის წარდგენით (2012 წ.), საქართველოს უზენაესი სასამართლოს თავმჯდომარედ ნინო გვენეტაძის კანდიდატურის წარდგენით (2015 წ.), საქართველოს ეროვნული ბანკის საბჭოს წევრად თემო ჭეიშვილის კანდიდატურის წარდგენით (2016 წ.), საქართველოს იუსტიციის უმაღლესი საბჭოს წევრად შოთა ქადაგიძის კანდიდატურის წარდგენით (2016 წ.) და საქართველოს საერთო სასამართლოების მოსამართლეთა სადისციპლინო კოლეგიის წევრად ქეთევან ბექაურის კანდიდატურის (2017 წ.) წარდგენით. აქედან, სწორედ საქართველოს პარლამენტის ორი გადაწყვეტილება, ორგანიზაციის მიერ უშუალოდ წარდგენილი კანდიდატების სასარგებლოდ იქნა მიღებული.