კომენტარი

პარლამენტმა უნდა განიხილოს პრეზიდენტის მოტივირებული შენიშვნები - ანა ნაცვლიშვილი

ჩვენ ვფიქრობთ, რომ პარლამენტმა არსებითად უნდა განიხილოს პრეზიდენტის მოტივირებული შენიშვნები და მაქსიმალურად შემჭიდროებულ ვადებში, ამ შენიშვნების გათვალისწინებით, კანონად აქციოს ე.წ. მესამე ტალღა, - განუცხადა ჟურნალისტებს "ახალგაზრდა იურისტთა ასოციაციის" თავმჯდომარემ, ანა ნაცვლიშვილმა სასამართლო რეფორმის საკითხზე პრეზიდენტსა და არასამთავრობო სექტორის წარმომადგენლებს შორის შეხვედრის დაწყებამდე.

მისი თქმით, პრეზიდენტის შენიშვნები და მათი ლოგიკა ეყრდნობა ვენეციის კომისიის მოსაზრებებს.

"როგორც ჩვენ გავეცანით, ამომავალი პრინციპი არის სასამართლოს და ინდივიდუალური მოსამართლეების გაძლიერება. ამიტომ, შეუძლებელია ამ მოსაზრებებს არ დაეთანხმო. ჩვენ ვფიქრობთ, რომ პარლამენტმა არსებითად უნდა განიხილოს ეს მოტივირებული შენიშვნები და მაქსიმალურად შემჭიდროებულ ვადებში, ამ შენიშვნების გათვალისწინებით, კანონად აქციოს სასამართლო სისტემის რეფორმის ე.წ. მესამე ტალღის კანონპროექტი", - განაცხადა ანა ნაცვლიშვილმა.

ნინო ექვთიმიშვილი