საზოგადოება

პარლამენტში დეპუტატებს შორის ფიზიკური დაპირისპირება მოხდა

საქართველოს პარლამენტის სხდომათა დარბაზში დაწყებული დაპირისპირება დეპუტატებისთვის განკუთვნილ ოთახში გაგრძელდა.

როგორც საქართველოს პირველი არხის ჟურნალისტი იუწყება, ფიზიკური დაპირისპირება იყო გედევან ფოფხაძესა და დაჩი ბერაიას შორის, ასევე კობა ლურსმანაშვილსა და ლევან გოგიჩაიშვილს შორის.

მანამდე დეპუტატებს შორის სიტყვიერი კამათი იყო. ისინი ერთმანეთს "ჩირგვებში დამალულს" უწოდებდნენ. მოგვიანებით სიტყვიერი დაპირისპირება ფიზიკურში გადაიზარდა.

შეხლა-შემოხლის გამო, პარლამენტის პლენარულ სხდომაზე რამდენიმეწუთიანი შესვენება გამოცხადდა.