პოლიტიკა

პარლამენტში „პატრიოტთა ალიანსის“ ფრაქციას გიორგი ლომია უხელძღვანელებს

„პატიროტთა ალიანსის“ აღმასრულებელი მდივნის, გოჩა თევდორაძის განცხადებით, პარტია პარლამენტში ფრაქციის თავმჯდომარედ გიორგი ლომიას კანდიდატურას წარადგენს.

ამის შესახებ თევდორაძემ საკითხის კომენტირებისას მედიას განუცხადა.

„პატრიოტთა ალიანსი“ ვიცე-სპიკერის თანამდებობაზე პარტიის გენერალურ მდივანს ირმა ინაშვილს წარადგენს, ფრაქციას უხელმძღვანელებს ბატონი გიორგი ლომია. რაც შეეხება კომიტეტებში ჩვენს მუშაობას, ეს დამოკიდებულიაიმაზე, თუ როგორ დაადგენს ბიურო კვოტირებას კომიტეტებთან მიმართებაში. ჩვენი რიცხოვნობიდან გმომდინარე, ალბათ, ძნელია ყველა კომიტეტში მუშაობა გავშალოთ, ფიზიკურად ეს არ მოხერხდება. ჩვენ დეპუტაციას გარკვეული პრიორიტეტები აქვს დასახული. ჩვენ ვფიქრობთ, რომ განსაკუთრებით ქმედითი უნდა იყოს ჩვენი მუშაობა თავდაცვის კომიტეტში, დარგობრივი ეკონომიკის კომიტეტში, იურიდიულ საკითხთა კომიტეტში“,- აღნიშნა თევდორაძემ.

მონიკა დავლიანიძე