უკან

უახლესი ამბები

დღის კალენდარი

ანონსები

არქივი

პოლიტიკა

3 დეკემბერი, 2021 13:54
font-size

პარტიამ „საქართველოსთვის“ ქვეყნის მასშტაბით საკრებულოებთან დაკავშირებით, პოლიტიკური სამოქმედო გეგმა წარადგინა

პარტიამ „საქართველოსთვის“ ქვეყნის მასშტაბით საკრებულოებთან დაკავშირებით, პოლიტიკური სამოქმედო გეგმა წარადგინა.

სამოქმედო გეგმა პარტიის აღმასრულებელმა მდივანმა ბერდია სიჭინავამ ბრიფინგზე წარადგინა.

„მიზანი, რომელსაც ეფუძნება ჩვენი გეგმა, არის საქართველოს მოქალაქეების მიერ ჩვენთვის მონიჭებული უფლებამოსილება, ვიმოქმედოთ ძალაუფლების დაბალანსების პრინციპის უზრუნველსაყოფად და იქ, სადაც ეს ბერკეტი გაგვაჩნია, არცერთ პარტიას არ მივცეთ ერთპარტიულად და ერთპიროვნულად საკრებულოების მართვის და კრიზისის შექმნის შესაძლებლობა, არამედ პირიქით, ვიმოქმედოთ მუნიციპალიტეტის, იქ მცხოვრები მოქალაქეების ინტერესების შესაბამისად.

თქვენთვის უკვე ცნობილია ჩვენი პოზიცია ბათუმის საკრებულოსთან დაკავშირებით, რომელიც მივიღეთ იქ შექმნილი ვითარების გათვალისწინებით.

რაც შეეხება სხვა მუნიციპალიტეტებს:

1. იმ მუნიციპალიტეტების საკრებულოებიდან, სადაც ჩვენს პარტიას გააჩნია გადამწყვეტი ხმები, დღეს - პირველ სხდომაზე, საკრებულოების თავმჯდომარეების კანდიდატებად ჩვენს წარმომადგენლებს ვასახელებთ მხოლოდ მარტვილსა და რუსთავში.

2. დანარჩენ მუნიციპალიტეტებში, სადაც ასევე გვაქვს გადამწყვეტი ხმები, თქვენ იცით, რომ ეს არის ზუგდიდის მუნიციპალიტეტი, სენაკის მუნიციპალიტეტი, ჩხოროწყუს მუნიციპალიტეტი და წალენჯიხის მუნიციპალიტეტი, დავესწრებით სხდომებს, თუმცა საკრებულოს თავმჯდომარეების, მათი მოადგილეების არჩევისა და კომისიების დაკომპლექტების პროცედურაში მონაწილეობას დღეს არ მივიღებთ.

3. სხვა მუნიციპალიტეტებში, სადაც არ გვაქვს ხმების საკმარისი რაოდენობა - გადამწყვეტი ხმები, თუმცა გვაქვს ხმების საკმარისი რაოდენობა იმისთვის, რომ დავასახელოთ საკრებულოს თავმჯდომარეობის ჩვენი კანდიდატები, ჩვენ დღესვე, ახალარჩეული საკრებულოების პირველივე სხდომაზე წარვადგენთ ჩვენს კანდიდატებს საკრებულოს თავმჯდომარეების და სხვა პოზიციების დასაკავებლად.


4. აქვე აღვნიშნავთ, რომ ყველა მუნიციპალიტეტის საკრებულოში, სადაც ასევე გვაქვს ხმების საკმარისი რაოდენობა, პარტია „საქართველოსთვის“ ქმნის ფრაქციებს.

5. იმ საკრებულოებში, სადაც ჩვენი კანდიდატები მოიპოვებენ საკმარის ხმებს საკრებულოს თავმჯდომარის თუ სხვა პოზიციის დასაკავებლად, კიდევ ერთხელ ჩვენი მოქმედების პრინციპი იქნება ძალაუფლების ბალანსი და დაეფუძნება ამ მუნიციპალიტეტის და იქ მცხოვრები მოსახლეობის ინტერესებს და ერთპარტიული მმართველობის წინააღმდეგ ძალთა ბალანსს“ - განაცხადა ბერდია სიჭინავამ.

როგორც ბერდია სიჭინავამ აღნიშნა, პარტიამ „საქართველოსთვის“ „ოცნებას“ და „ნაციონალურ მოძრაობას“ შესთავაზა ღია ერთობლივი თანამშრომლობა მუნიციპალიტეტის და იქ მცხოვრები მოსახლეობის ინტერესების გათვალისწინებით, რაზეც უარი მიიღეს.

„ჩვენ „ოცნებასაც“ და „ნაციონალურ მოძრაობასაც“ შევთავაზეთ ღიად ერთობლივი თანამშრომლობა მუნიციპალიტეტის და იქ მცხოვრები მოსახლეობის ინტერესების გათვალისწინებით, რაზეც მივიღეთ უარი. ჩვენ მეორე ნაბიჯი კომპრომისული ნაბიჯი გადავდგით, სადაც დავასახელეთ - ჩვენი თავმჯდომარეობის კანდიდატები, რომ მივიღებდით მონაწილეობას საკრებულოს თავმჯდომარეების თანამდებობების დასაკავებლად, თუმცა ამაზეც ჩვენ პოზიცია არც ერთი პოლიტიკური პარტიის მხრიდან არ მოგვისმენია. შესაბამისად, როგორც განვაცხადეთ, ბალანსის დასაცავად ჩვენ ვიყენებთ ჩვენს ხელთ არსებული ყველა მუნიციპალურ ბერკეტს, რაც მომავალშიც ასე გაგრძელდება"- განაცხადა ბერდია სიჭინავამ.

ყველას წინადადებები მოვისმინეთ, ნაწილი გავიზიარეთ, ნაწილი არ გავიზიარეთ - მამუკა მდინარაძე

26 იანვარი, 2022 , 17:32

საქართველოს პარლამენტი მიიღებს უკრაინის მხარდამჭერ რეზოლუციას, რომელიც დაცლილია ყოველგვარი პოპულისტური თუ პროვოკაციული რიტორიკისგან, – ამის შესახებ ფრაქცია „ქართული ოცნების“ თავმჯდომარე მამუკა მდინარაძე

შალვა პაპუაშვილი ბრიუსელში ნატო-ს გენერალური მდივნის მოადგილეს შეხვდა

26 იანვარი, 2022 , 16:51

საქართველოს პარლამენტის თავმჯდომარე შალვა პაპუაშვილი ბრიუსელში ნატო-ს გენერალური მდივნის მოადგილეს შეხვდა. მირჩა ჯოანასთან შეხვედრის შესახებ პაპუაშვილი სოციალურ ქსელ „ტვიტერის“ გვერდზე წერს. „ღირებული შ

შალვა პაპუაშვილი ბრიუსელში, ნატო-ს შტაბ-ბინაში შეხვედრებს გამართავს

26 იანვარი, 2022 , 11:05

საქართველოს პარლამენტის ახალარჩეული თავმჯდომარე, შალვა პაპუაშვილი პირველი სამუშაო ვიზიტით ბრიუსელში, ნატო-ს შტაბ-ბინაში შეხვედრებს გამართავს. საპარლამენტო დელაგაცია, საქართევლოს პარლამენტის თავმჯდომარის ხელმძღვანელობით,

ჩემი ინფორმაციით, თუ რუსეთმა უკრაინაში გეგმის განხორციელება დაიწყო, ის ანაკლიის დაკავებასა და სამეგრელოში სამხედრო რეიდებს აპირებს - მიხეილ სააკაშვილი

25 იანვარი, 2022 , 20:43

ჩემი ინფორმაციით, თუ რუსეთმა დაიწყო უკრაინაში ფართომასშტაბიანი გეგმის განხორციელება, ის იმავე დღეებში ანაკლიის დაკავებასა და ასევე, სამეგრელოში უფრო ღრმად, სამხედრო რეიდებს აპირებს. მათ შორის ფოთის პორტში, რათა დასა

პარტია „საქართველოსთვის“ პრემიერ-მინისტრსა და შინაგან საქმეთა მინისტრს პარლამენტში იბარებს

25 იანვარი, 2022 , 19:12

მივესალმებით სახელმწიფო ინსპექტორის სამსახურის მყისიერ რეაგირებას, თუმცა ჩვენ ამ საკითხს განვიხილავთ შინაგან საქმეთა მინისტრის, პრემიერ- მინისტრის და ხელისუფლების პოლიტიკური პასუხისმგებლობის ჭრილში, - ამის შესახებ პარტია

ეკა ბესელია პრეზიდენტთან შეხვედრაზე: უფრო ტექნიკური ხასიათის შეხვედრა იყო, სადაც უბრალოდ იდეები გავცვალეთ, მაგრამ უფრო მეტად მას მოვუსმინეთ

24 იანვარი, 2022 , 16:03

პრეზიდენტმა ისაუბრა მის გეგმაზე, ხედვაზე ამ გრძელვადიანი ეროვნული თანხმობის პროცესში, იდეები გავცვალეთ, მაგრამ უფრო მეტად მას მოვუსმინეთ , - ამის შესახებ პარტია "სამართლიანობისთვის" ლიდერმა, ეკა ბესელიამ პრეზიდენტთან შეხ

პირდაპირი TV

daily calendar

ვიდეო გალერეა

წითელი პარასკევი - დიდი პარასკევი