საზოგადოება

,,პარტიზანული მებაღეობა“ დავით ნარმანიას გადადგომის მოთხოვნას ემიჯნება

სამოქალაქო მოძრაობა ,,პარტიზანული მებაღეობა“ თბილისის საკრებულოს ფრაქცია „ნაციონალური მოძრაობის“ მოთხოვნას, გადადგეს დედაქალაქის მერი, ემიჯნება.

მოძრაობის აქტივისტის, ლუკა ბახსოლიანის განცხადებით, მათი მოთხოვნა ეკოლოგიისა და გამწვანების სამსახური უფროსისა და მისი მოადგილის გადადგომა და ამ უწყების რესტრუქტურიზაციაა.

რაც შეეხება თბილისის საკრებულოს რიგგარეშე სხდომას, მოძრაობის წევრის თქმით, სხდომა დავით ნარმანიას პოპულისტური ტექსტებით წარიმართება და ,,პარტიზანული მებაღეობის“ აქტივისტები მას არ დაესწრებიან.

,,ჩვენ საკრებულოში არ მივდივართ, რადგან ასეთ სხდომებზე ბერვჯერ ვართ ნამყოფი. ზუსტად ვიცით, რომ იქ დავით ნარმანია გამოვა პოპულისტური ტექსტებით და არ იქნება საუბარი ჩვენს მოთხოვნებზე.
პარტიზანული მებაღეობა ემიჯნება პოლიტიკური პარტიების ნაწილის მოთხოვნას, დავით ნარმანაიას გადადგომასთან დაკავშირებით. ჩვენი მთავარი მოთხოვნაა გამწვანების სამსახურის რესტრუქტურიზაცია, რისთვისა სამსახურის უფროსის და მისი მოადგილის გადადგომაა საჭირო“, - განუცხადა ჟურნალისტებს ლუკა ბახსოლიანმა.

დავით ნარმანია საკრებულოს რიგგარეშე სხდომაზე ანგარიშით 16:00 საათზე გამოვა.

მარი ნამგალაძე